वंदना वेदपाठक, इंडिया दर्पण वृत्तसेवा
ओटीटी प्लॅटफॉर्मवर सध्या सस्पेन्स चित्रपटांचा प्रभाव जास्त दिसून येत आहे. आता मर्डर मुबारक या सस्पेन्स थ्रिलर चित्रपटाचा टीझर रिलीज झाला आहे. मर्डर मुबारक या चित्रपटाचा टीझर नेटफ्लिक्सच्या सोशल मीडिया अकाऊंटवरुन शेअर करण्यात आला आहे. “जो कत्ल करते हैं वो दिखते कैसे हैं, साउथ दिल्ली की शहजादी की तरह या चांदनी चौक के तबाह आशिक की तरह।” हा पंकज त्रिपाठी यांचा डायलॉग टीझरच्या सुरुवातीला ऐकू येतो.
त्यानंतर टीझरमध्ये विविध कलाकारांची झलक दिसते. मर्डर मुबारक या चित्रपटाचा टीझर पाहिल्यानंतर असा अंदाज लावला जाऊ शकतो की, हा चित्रपट मर्डर मिस्ट्रीवर आधारित असणार आहे. “कई हत्यारे हत्यारों की तरह दिखते ही नहीं हैं। वे एक आम औरत या आदमी की शक्ल में होते हैं। मन ही मन मुस्कुरा रहे होते हैं और खुद को बधाइयां दे रहे होते हैं।” या पंकज त्रिपाठी यांच्या टीझरमधील डायलॉगनं अनेकांचं लक्ष वेधून घेतले आहे.
मर्डर मुबारक या चित्रपटात करिश्मा कपूर ,सारा अली खान,संजय कपूर, विजय वर्मा, टिस्का चोपडा, डिंपल कपाडिया आणि सुहेल नैय्यर हे कलाकार मर्डर मुबारक या चित्रपटात महत्वाची भूमिका साकारणार आहे. तगडी स्टार कास्ट असणाऱ्या या चित्रपटाची प्रेक्षक उत्सुकतेने वाट बघत आहेत.चित्रपट १५ मार्चला नेटफ्लिक्सवरती रिलीज होणार आहे. या चित्रपटाचा टीझर सोशल मीडियावर शेअर करुन नेटफ्लिक्सनं कॅप्शनमध्ये लिहिलं, “अनेक रंगीबेरंगी भूमिका,हे सर्व तुम्हाला शुभेच्छा देण्यासाठी आले आहेत – मर्डर मुबारक! १५ मार्च रोजी येत आहे, फक्त Netflix वर!!
