सायकलवरून राहुल गांधी कोळसा खाणीत

इंडिया दर्पण ऑनलाईन डेस्क
रांचीःकाँग्रेस नेते राहुल गांधी आज ‘भारत जोडो न्याय यात्रा’ घेऊन झारखंडची राजधानी रांचीला पोहोचले आहेत. रामगढहून रांचीला जाताना त्यांनी कोळसा वाहून नेणाऱ्या मजुरांशी बोलून त्यांच्या समस्या जाणून घेतल्या.

राहुल यांनी कोळसा खाण कामगारांसोबतच्या भेटीचे फोटो शेअर केले आहेत. त्यांनी सायकलवर जाऊन कामगारांशी चर्चा केली. त्यांनी लिहिले, की त्यांच्यासोबत चालल्याशिवाय, त्यांचे ओझे वाहिल्याशिवाय त्यांच्या समस्या समजून घेता येणार नाहीत. या तरुण कामगारांचे आयुष्य मंदावले, तर भारताच्या उभारणीचे चाकही थांबेल.

राहुल यांनी हुतात्मा जवानांना श्रद्धांजली वाहिली. रांचीमध्ये त्यांच्या स्वागतासाठी लोकांची झुंबड उडालेली पाहायला मिळत आहे. काँग्रेस कार्यकर्ते पक्षाचा झेंडा घेऊन राहुल यांची वाट पाहत होते. शहरात राहुल आणि काँग्रेस पक्षाचे होर्डिंग्ज लावण्यात आले आहेत.