नाशिक (इंडिया दर्पण वृत्तसेवा) – शहरातील वेगवेगळय़ा ठिकाणी पार्क केलेल्या दोन दुचाकी चोरट्यांनी पळवून नेल्या. याबाबत आडगाव आणि पंचवटी पोलीस ठाण्यात गुन्हे दाखल करण्यात आले आहेत.
पहिली घटना नागचौक भागात घडली. संजय विठ्ठल मकवान (रा.चरण पादूका मंदिर,काट्या मारूतीजवळ नागचौक) यांनी फिर्याद दिली आहे. मकवान यांची डिलक्स मोटारसायकल एमएच १५ जीपी ३०६१ शनिवारी (दि.२०) दुपारच्या सुमारास त्यांच्या घरासमोर लावलेली असतांना ती चोरट्यांनी पळवून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास हवालदार घुगे करीत आहेत.
दुसरी घटना धात्रकफाटा भागात घडली. मखमलाबाद येथील प्रमोद चंद्रभान विंचू (रा.विद्यानगर,म.बाद) हे शुक्रवारी (दि.१९) दुपारी धात्रकफाटा भागात गेले होते. कुबोटा शोरूम जवळील किरण अ‍ॅटो सर्व्हीसेस भागात त्यांनी आपली डिस्कव्हर एमएच १५ सीसी ६६०१ पार्क केली असता ती चोरट्यांनी चोरून नेली. याबाबत आडगाव पोलीस ठाण्यात गुन्हा दाखल करण्यात आला असून अधिक तपास जमादार बस्ते करीत आहेत.
घरफोडीत ५० हजाराचा ऐवज केला लंपास
नाशिक (इंडिया दर्पण वृत्तसेवा) – मानेनगर येथील रामगडीया भवन परिसरात झालेल्या घरफोडीत चोरट्यांनी सुमारे ५० हजाराच्या ऐवजावर डल्ला मारला. त्यात रोकडसह सोन्याचांदीच्या दागिण्यांचा समावेश आहे. याप्रकरणी म्हसरूळ पोलीस ठाण्यात घरफोडीचा गुन्हा दाखल करण्यात आला आहे.
वाल्मिक गणेश वाघ (रा.साई ज्योत अपा.) यांनी फिर्याद दिली आहे. वाघ कुटूंबिय शनिवारी (दि.२०) बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे ५० हजाराचा ऐवज चोरून नेला. अधिक तपास उपनिरीक्षक वाघ करीत आहेत.
