नाशिक (इंडिया दर्पण वृत्तसेवा)- गंगापूररोड भागातील सिरीन मिडोज भागात बाराव्या मजल्यावरून उडी घेत २० वर्षीय युवकाने आत्महत्या केल्याची घटना घडली. चिराग प्रदिप यादव (रा.टॉर्फिकॉना,सिरीन मिडोज) असे मृत युवकाचे नाव आहे. याप्रकरणी गंगापूर पोलीस ठाण्यात मृत्यूची नोंद करण्यात आली आहे.
चिराग यादव या युवकाने रविवारी (दि.२१) सायंकाळच्या सुमारास अज्ञात कारणातून आपल्या राहत्या इमारतीच्या १२ व्या मजल्यावरील टेरेसमधून जमिनीवर उडी मारली होती. या घटनेत त्यास गंभीर दुखापत झाल्याने त्यास वडिल प्रदिप यादव यांनी तात्काळ जिल्हा रूग्णालयात दाखल केले असता वैद्यकीय सुत्रांनी त्यास मृत घोषीत केले. अधिक तपास पोलिस नाईक बागुल करीत आहेत.
……
वीज कंपनीचा लोखंडी पोल चोरीला
नाशिक (इंडिया दर्पण वृत्तसेवा)- लोहशिंगवे शिवारात वीज कंपनीचा लोखंडी पोल चोरट्यांनी चोरून नेल्याची घटना घडली. याप्रकरणी देवळाली कॅम्प पोलीस ठाण्यात चोरीचा गुन्हा दाखल करण्यात आला आहे.
राहूल नारायण औटे (रा.इंदिरागांधी वसाहत,लेखानगर) यांनी याप्रकरणी तक्रार दाखल केली आहे. लोहशिंगवे गावाच्या कमानी भागात असलेल्या डीपीजवळील सुमारे ५० हजार रूपये किमतीचा लोखंडी पोल चोरट्यांनी चोरून नेला. अधिक तपास हवालदार मिरजे करीत आहेत.
