मनमाड (इंडिया दर्पण वृत्तसेवा) – शहरातील नगरचौकी येथील निंबस कंपनीच्या सल्गन असलेल्या पुठ्ठ्याचे खोके बनवणा-या डीआरएसजे पॅकेजींग कंपनीला अचानक भीषण आग लागल्याची घटना घडली. यात कंपनीतील बॉयलय फुटल्याने आगीने जास्त पेट घेतला.
आगीची माहिती मिळताच मनमाड व नांदगाव, येवला, मालेगाव येथील अग्निशामक दलाच्या गाड्या घटनास्थळी पोहचत आग विझवण्याचा प्रयत्न केला. मात्र आग भीषण असल्याने अग्निशामक दला बरोबरच खाजगी टँकर व्दारे आगीवर बाहेरुन नियंत्रण मिळवण्यात यश आले.
पण, कागदी वस्तूंमुळे आतील भागात आग मात्र सुरुच होती. अखेर तीन तासाच्या प्रयत्नानंतर त्यावर नियंत्रण मिळवण्यात यश आले. आगी मुळे मात्र लाखो रुपयांच नुकसान झाले. ही पॅकेजिंग कंपनी माजी नगरसेवक सचिन दराडे यांच्या मालकीची आहे.
