नाशिक (इंडिया दर्पण वृत्तसेवा)- भरदिवसा झालेल्या घरफोडीत चोरट्यांनी सुमारे ४७ हजाराच्या ऐवजावर डल्ला मारला. जुने नाशिक परिसरातील चर्मकार लेन भागात ही घटना घडली. त्यात रोकडसह सोन्याचांदीच्या दागिण्यांचा समावेश आहे. याबाबत भद्रकाली पोलिस ठाण्यात घरफोडीचा गुन्हा दाखल करण्यात आला आहे.
मनोज अशोक हिरवे (रा.घर नं. ३५३६ पठाणपुरा,चर्मकारलेन) यांनी याप्रकरणी फिर्याद दिली आहे. हिरवे कुटूंबिय गुरूवारी (दि.४) अल्पशा कामानिमित्त घराबाहेर पडले असता ही चोरी झाली. अज्ञात चोरट्यानी त्यांच्या बद घराचा कडीकोयंडा तोडून कपाटात ठेवलेली रोकड व सोन्याचांदीचे दागिणे असा सुमारे ४६ हजार ५०० रूपये किमतीचा ऐवज चोरून नेला. अधिक तपास सहाय्यक निरीक्षक बिडगर करीत आहेत.
