नाशिक (इंडिया दर्पण वृत्तसेवा)– सिडको परिसरात मोटारसायकल चोरीचे सत्र सुरू असून, वेगवेगळया भागातून चार मोटारसायकली चोरून नेल्या. त्यातील दोन दुचाकी एकाच सोसायटीच्या पार्किंगमधून पळविण्यात आल्या आहेत. याप्रकरणी अंबड पोलिस ठाण्यात वेगवेगळया नोंदी करण्यात आल्या आहेत.
वृंदावन नगर येथील किरण जयवंत जोशी (रा.अवध हाईटस,ए व्ही के पाटील शाळेजवळ) यांनी फिर्याद दाखल केली आहे. जोशी यांच्यासह त्यांच्या शेजाºयाची एमएच १८ एएल ६९१९ व एमएच १५ ईझेड ०४८२ अशा दोन मोटारसायकली सोसायटीच्या पार्किंगमध्ये लावलेल्या असतांना त्या चोरट्यांनी पळवून नेल्या. ही घटना गेल्या शनिवारी (दि.६) रात्री घडली. दुसरी घटना उत्तमनगर भागात घडली. विशाल अरूण कानडे (रा.शिवपुरी चौक,उत्तमनगर) यांनी तक्रार दाखल केली आहे. कानडे यांची अ‍ॅव्हेंजर मोटारसायकल एमएच १५ एचके ९२१४ गेल्या २१ डिसेंबर रोजी त्यांच्या घरासमोर पार्क केलेली असतांना चोरट्यांनी ती चोरून नेली.
तिसरी घटना केवल पार्क भागात घडली. स्वप्नील बाळू कापडणीस (रा.अमृतविहार अपा. अवध अनॅक्स समोर केवलपार्क रोड) यांची पल्सर एमएच ४१ बीजी ६२६९ गेल्या शुक्रवारी (दि.५) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. तिन्ही गुह्यांबाबत अंबड पोलिस ठाण्यात वेगवेगळे गुन्हे दाखल करण्यात आले असून अधिक तपास पोलिस नाईक संगम,टिळेकर व हवालदार देशमुख करीत आहेत.
