रणबीर कपूर पाठोपाठ कपिल शर्मा, हुमा कुरेशी व हिना खान यांच्यासह १५ कलाकार ईडीच्या रडारवर

इंडिया दर्पण ऑनलाईन डेस्क
मुंबई -अनेक लोकांना ऑनलाईन गेम्स खेळायला आवडते, तसेच ऑनलाइन गेमद्वारे ते कमाई देखील करतात. मात्र ऑनलाईन गेम्स व सट्टेबाजी रोखण्यासाठी सरकारने नवीन नियमावली जारी केली आहे. त्यामुळे बेटिंग व सट्टेबाजीशी संबंधित कोणत्याही खेळावर सरकारने बंदी घातली आहे. यामुळे बेटिंगशी संबंधित असलेल्या ऑनलाइन गेम्सवर बंदी आली आहे. मात्र काही अभिनेते आणि अभिनेत्री यांनी परदेशात जाऊन ऑनलाईन गेम संबंधी जाहिराती मध्ये सहभाग घेतला घेतल्याचे उघड झाल्याने ईडीने याप्रकरणी चौकशी सुरू केली असून रणवीर कपूर , कपिल शर्मा हुमा कुरेशी आणि हिना खान हे आता ईडीच्या रडारवर असून त्यांची चौकशी करण्यात येत आहे. या प्रकरणामुळे बॉलीवूडमध्ये मोठी खळबळ उडाली आहे.

१५ कलाकारांची चौकशी होणार
ऑनलाइन गेमिंगबाबत केंद्र सरकारकडून कठोर भूमिका घेतली जात असून आता ऑनलाइन गेम्सच्या अनेक गोष्टीचा तपास केला जात आहे. महादेव बेटिंग अॅपचा सुत्रधार सौरभ याच्या दुबईत झालेल्या लग्नात नृत्य सादरीकरणासाठी पैसे घेतल्याचा कपिल शर्मासह हुमा कुरेशीवर आरोप आहे. या प्रकरणात आणखी सुमारे १५ कलाकार आणि अभिनेते ‘ईडी’च्या निशाण्यावर असून, त्यांनाही समन्स बजावण्यात असल्याची माहिती आहे.

सौरभ चंद्राकर व रवी उप्पल हे या अॅपचे प्रमोटर असून, या कंपनीचा कारभार दुबईतून होत होता. नुकतेच महादेव ऑनलाइन अॅपचा सुत्रधार सौरभ चंद्राकार याचं दुबईत लग्न झाले, व या लग्नावर सुमारे २०० कोटींहून अधिकचा खर्च करण्यात आला होता. त्यानंतर हे प्रकरण चर्चेत आले असून या अॅपचे कामकाज संयुक्त अरब अमिरातीतील मध्यवर्ती मुख्यालयातून होत असल्याचे ईडीच्या चौकशीत उघड झाले आहे. चंद्राकार आणि उप्पल यांनी महादेव ऑनलाइन बुक बेटिंग अॅप्लिकेशन हे बेकायदा सट्टेबाजीसाठी वापरले असल्याने मोठी खळबळ उडाली आहे.

मेसर्स महादेव ऑनलाइन बुक बेटिंग अ‍ॅप प्रकरणात प्रसिद्ध बॉलिवूड अभिनेता रणबीर कपूरला सक्तवसुली संचालनालयाने (ईडी) समन्स बजावलं आहे. त्याला आज ६ ऑक्टोबर रोजी ईडीच्या कार्यालयात चौकशीसाठी उपस्थित राहण्यास सांगितले आहे. या प्रकरणात एक साक्षीदार म्हणून त्याचा जबाब नोंदवण्यात येणार आहे. त्यापाठोपाठ आता आणखी काही बॉलिवूड आणि टीव्ही कलाकारांना ईडीने समन्स बजावले आहे.
त्याचप्रमाणे रणबीरपाठोपाठ विनोदी अभिनेता आणि टीव्ही अँकर कपिल शर्मा आणि बॉलिवूड अभिनेत्री हुमा कुरेशी, मालिकांमधील अभिनेत्री हिना खान या तिघांना ईडीने समन्स बजावले आहे.