नाशिक (इंडिया दर्पण वृत्तसेवा)- मुंबई- आग्रा महामार्गावर रायगड नगर जवळ स्कुटीच्या अपघातात एक जण गंभीर जखमी झाला. रविवारी रात्री हा अपघात झाला. मुंबईकडून नाशिकच्या दिशेने जाणारी स्कुटी स्लिप झाल्यामुळे हा अपघात झाला.
या अपघातात महेंद्र मल्हारी सोनवणे (५०) गोंदे दुमाला, इगतपुरी हे जखमी झाले आहे. त्यांच्या डोक्यास गंभीर मार लागला आहे. या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली.
त्यानंतर जखमी सोनवणे यांना तात्काळ नाशिक येथील खासगी हॅास्पिटलमध्ये दाखल करण्यात आले. मुंबईकडून नाशिकच्या दिशेने जाणारी स्कुटी स्लिप झाल्यामुळे ही घटना घडली.
