इंडिया दर्पण ऑनलाईन डेस्क
दुर्दैवाने काल आमचा दिवस नव्हता. संपूर्ण स्पर्धेत आमच्या संघाला आणि मला पाठिंबा दिल्याबद्दल मी सर्व भारतीयांचे आभार मानू इच्छितो. पंतप्रधानांचे आभार …विशेषत: ड्रेसिंग रूममध्ये येऊन आमचा उत्साह वाढवल्याबद्दल. आम्ही परत बाउन्स करू! असे भावनिक ट्वीट मोहम्मद शमींने केले आहे. पंतप्रधानाच्या भेटीनंतर त्याने आपल्या या भावना व्यक्त केल्या.
पंततप्रधानांनी X वर पोस्ट
त्याअगोदर विश्वचषक क्रिकेट स्पर्धेतील कामगिरीबद्दल पंतप्रधानांनी आज भारतीय क्रिकेट संघाचे कौतुक केले.विश्वचषक स्पर्धेत अंतिम सामन्यापुर्वीचे सर्व सामने जिंकल्यानंतर अंतिम सामन्यात भारतीय संघाला पराभव पत्करावा लागल्यानंतर , पंतप्रधानांनी X वर पोस्ट केले:
“प्रिय टीम इंडिया, विश्वचषक स्पर्धेत तुमची कामगिरी आणि जिद्द वाखाणण्याजोगी होती. तुम्ही उत्तम खेळ करत देशासाठी अभिमानास्पद कामगिरी केली. आम्ही आज आणि सदैव तुमच्या सोबत आहोत.”
https://twitter.com/narendramodi/status/1726269827017515059
ऑस्ट्रेलिया संघाचेही केले अभिनंदन
विश्वचषक क्रिकेट स्पर्धेतील अंतिम सामन्यात विजय मिळवल्याबद्दल पंतप्रधान नरेंद्र मोदी यांनी ऑस्ट्रेलिया संघाचे अभिनंदन केले आहे. पंतप्रधानांनी X वर पोस्ट केले आहे, “विश्वचषक स्पर्धेत नेत्रदीपक विजय मिळवल्याबद्दल, ऑस्ट्रेलिया संघाचे अभिनंदन ! संपूर्ण स्पर्धेतील त्यांची कामगिरी उत्तम होती, आणि या विजयाने या कामगिरीचा तेवढाच उत्तम शेवटही झाला आहे. विशेष उल्लेखनीय खेळासाठी ट्रॅव्हिस हेडचे अभिनंदन.”
