इंडिया दर्पण ऑनलाईन डेस्क – भारत आणि न्यूझीलंड यांच्यातील एकदिवसीय मालिकेतील दुसरा सामना भारताने आठ गडी राखून जिंकला आहे. या विजयासह टीम इंडियाने तीन सामन्यांच्या मालिकेत २-० अशी अभेद्य आघाडी घेतली आहे. रायपूरमध्ये भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना न्यूझीलंडने भारतासमोर १०९ धावांचे लक्ष्य ठेवले होते. टीम इंडियाने अवघ्या दोन गड्यांच्या मोबदल्यात हे यश मिळवले.
या सामन्यासह भारताने न्यूझीलंडचा आठ गडी राखून पराभव करत मालिकाही जिंकली आहे. या सामन्यात न्यूझीलंडने प्रथम फलंदाजी करताना 108 धावा केल्या होत्या. भारताच्या वेगवान गोलंदाजांनी चांगली कामगिरी केली. मात्र, 15 धावांत पाच गडी गमावल्यानंतर मधल्या फळीतील फलंदाजांच्या योगदानाच्या जोरावर किवी संघाने 108 धावा केल्या. भारतासाठी हे लक्ष्य खूपच सोपे होते. कर्णधार रोहित आणि शुभमन गिल यांनी चांगली सुरुवात केली, पण रोहित अर्धशतक झळकावून बाद झाला. त्याच्यापाठोपाठ क्रीजवर आलेला विराटही ११ धावा करून बाद झाला. मात्र, गिलने एका टोकाला उभे राहून इशान किशनसोबत सामना संपवला.
या मालिकेतील तिसरा आणि शेवटचा सामना 24 जून रोजी इंदूरच्या होळकर स्टेडियमवर होणार आहे. यानंतर दोन्ही संघ तीन सामन्यांची टी-20 मालिका खेळणार आहेत.
For his impactful 3️⃣-wicket haul in the first innings, @MdShami11 bagged the Player of the Match award as #TeamIndia won the second #INDvNZ ODI by eight wickets 👏👏
Scorecard ▶️ https://t.co/tdhWDoSwrZ @mastercardindia pic.twitter.com/Nxb3Q0dQE5
— BCCI (@BCCI) January 21, 2023
या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला आणि भारताच्या वेगवान गोलंदाजांनी कर्णधार रोहितचा निर्णय योग्य असल्याचे सिद्ध केले. शमीने पहिल्याच षटकात फिन ऍलनला बोल्ड केले. तोपर्यंत न्यूझीलंडचे खातेही उघडले नव्हते. सहाव्या षटकात सिराजने हेन्री निकोल्सला पायचीत केले. शमीने सातव्या षटकात डॅरिल मिशेलला पॅव्हेलियनमध्ये पाठवले. 10व्या षटकात कॉनवे आणि 11व्या षटकात कर्णधार लॅथमही पॅव्हेलियनमध्ये परतले. 15 धावांच्या आत न्यूझीलंडचा निम्मा संघ पॅव्हेलियनमध्ये परतला होता आणि एकाही फलंदाजाला दुहेरी आकडा स्पर्श करता आला नाही. पाचही विकेट भारताच्या वेगवान गोलंदाजांनी घेतल्या.
.@ShubmanGill finishes things off in style! #TeamIndia complete a comprehensive 8️⃣-wicket victory in Raipur and clinch the #INDvNZ ODI series 2️⃣-0️⃣ with more game to go 🙌🏻
Scorecard ▶️ https://t.co/tdhWDoSwrZ @mastercardindia pic.twitter.com/QXY20LWlyw
— BCCI (@BCCI) January 21, 2023
यानंतर ग्लेन फिलिप्स आणि मायकेल ब्रेसवेल यांनी डाव सांभाळला. दोघांनी 41 धावांची भागीदारी केली. यानंतर ब्रेसवेलही 22 धावा करून बाद झाला. सँटनरनेही २७ धावा केल्या आणि फिलिप्ससोबत ४७ धावांची भागीदारी केली. ग्लेन फिलिप्सही ३६ धावा करून बाद झाला. यावेळी न्यूझीलंडची धावसंख्या 103 धावा होती. यानंतर सुंदर आणि कुलदीपने न्यूझीलंडचा डाव गुंडाळला. किवी संघ 34.3 षटकात 108 धावांवर गारद झाला.
न्यूझीलंडकडून ग्लेन फिलिप्सने सर्वाधिक 36 धावा केल्या. त्याचवेळी मिचेल सँटनरने 27 आणि ब्रेसवेलने 22 धावा केल्या. या तिघांशिवाय एकाही किवी फलंदाजाला दुहेरी आकडा गाठता आला नाही. भारताकडून मोहम्मद शमीने सर्वाधिक तीन बळी घेतले. हार्दिक आणि सुंदरला प्रत्येकी दोन बळी मिळाले. मोहम्मद सिराज, शार्दुल ठाकूर आणि कुलदीप यादव यांनी प्रत्येकी एक विकेट घेतली.
Captain @ImRo45 provided the perfect start to the chase with a fifty and was #TeamIndia's 🔝 performer from the second innings 👌👌
A look at his batting summary ✅ #INDvNZ
Scorecard ▶️ https://t.co/tdhWDoSwrZ @mastercardindia pic.twitter.com/5GYyjhV3tp
— BCCI (@BCCI) January 21, 2023
India vs New Zealand ODI India Win Match and Series
