इंडिया दर्पण ऑनलाईन डेस्क – भारताने न्यूझीलंडला तिसऱ्या एकदिवसीय सामन्यात ९० धावांनी पराभव करीत मालिका ३-०ने जिंकली आहे. तसेच, भारताने आयसीसीच्या एकदिवसीय क्रमवारीत पहिला क्रमांकही पटकावला आहे. प्रथम फलंदाजी करताना भारताने न्यूझीलंडसमोर 386 धावांचे लक्ष्य ठेवले होते. प्रत्युत्तरात किवी संघ केवळ 295 धावा करू शकला आणि सामना गमावला.
भारत आणि न्यूझीलंड यांच्यातील तीन वनडे मालिकेतील तिसरा सामना इंदूरच्या होळकर क्रिकेट स्टेडियमवर खेळला गेला.
भारताने न्यूझीलंडचा 90 धावांनी पराभव केला. यासह टीम इंडियाने तीन सामन्यांच्या वनडे मालिकेत किवी संघाचा सफाया केला. विराट कोहलीने युझवेंद्र चहलच्या चेंडूवर सॅन्टनरला झेलबाद करून न्यूझीलंडचा डाव संपवला. सँटनरने 29 चेंडूत 34 धावा केल्या. या सामन्यातील विजयासह भारतीय संघ वनडेत जगातील नंबर वन संघ बनला आहे. आता भारत आणि न्यूझीलंडचे संघ रांची येथे 27 जानेवारीपासून सुरू होणाऱ्या तीन सामन्यांच्या टी-20 मालिकेत भिडतील.
https://twitter.com/ICC/status/1617909126482255872?s=20&t=B43dSoDCHmdxf-L5yRV3QA
भारताने प्रथम फलंदाजी करताना 385 धावा केल्या. रोहित शर्मा आणि शुभमन गिल यांनी शतकी खेळी खेळली. हार्दिक पांड्याने अर्धशतक ठोकले. प्रत्युत्तरात डेव्हॉन कॉनवेने न्यूझीलंडकडून शतक झळकावले, पण त्याला एकाही फलंदाजाची साथ मिळाली नाही. हेन्री निकोल्स आणि सँटनर यांनी प्रयत्न केले, पण दोघांनाही अर्धशतकेही करता आली नाहीत. अखेर भारताने हा सामना 90 धावांनी जिंकला.
भारताला पहिला धक्का 212 धावांच्या स्कोअरवर बसला. रोहितने 85 चेंडूत 101 धावांची खेळी केली. त्याचवेळी शुभमन गिलने 78 चेंडूत 112 धावांची खेळी केली. हे दोघे बाद झाल्यानंतर भारताचा नेट रनरेट थोडा कमकुवत झाला. विराट, ईशान किशन आणि सूर्यकुमार मोठी खेळी खेळण्यात अपयशी ठरले. अखेरीस हार्दिकने तुफानी फलंदाजी करताना अर्धशतक झळकावले. हार्दिकने बाद होण्यापूर्वी 38 चेंडूत 54 धावांची खेळी केली. शार्दुलने 25 धावांचे योगदान दिले.
https://twitter.com/BCCI/status/1617915008205361152?s=20&t=B43dSoDCHmdxf-L5yRV3QA
न्यूझीलंडकडून जेकब डफी हा सर्वात महागडा गोलंदाज ठरला. मात्र, त्याने 100 धावांत तीन महत्त्वाच्या विकेट घेतल्या. याशिवाय टिकनरला तीन बळी मिळाले. त्याचवेळी मायकेल ब्रेसवेलला एक विकेट मिळाली. भारतीय संघ मालिकेत 2-0 ने अभेद्य आघाडीवर आहे. अशा स्थितीत टीम इंडियाचे प्रयत्न न्यूझीलंडला क्लीन स्वीप करण्यावर असतील. यासह भारत आयसीसी एकदिवसीय संघ क्रमवारीत नंबर-1 बनेल.
इंदूरच्या होळकर स्टेडियमवर टीम इंडियाचा रेकॉर्ड उत्कृष्ट राहिला आहे. भारतीय संघाने या मैदानावरील सर्व एकदिवसीय सामने जिंकले आहेत. आतापर्यंत भारताने केवळ 5 एकदिवसीय सामने जिंकले आहेत. या मैदानावर इंग्लंडचा दोनदा पराभव झाला आहे, तर वेस्ट इंडिज, ऑस्ट्रेलिया आणि दक्षिण आफ्रिकेचा प्रत्येकी एकदा पराभव झाला आहे.
https://twitter.com/BCCI/status/1617911045703729152?s=20&t=B43dSoDCHmdxf-L5yRV3QA
