इंडिया दर्पण ऑनलाईन डेस्क – जगभरात अतिशय प्रतिष्ठेच्या समजल्या जाणाऱ्या ऑस्कर पुरस्कारांमध्ये मूळ गाण्याच्या श्रेणीत भारतीय चित्रपट आरआरआर मधील नाटू नाटू या गाण्याला नामांकन मिळाले आहे. ही बाब अतिशय ऐतिहासिक आहे. त्यामुळे देशभरातून यासंदर्भात अभिनंदनाचा वर्षाव होत आहे. जर, हा पुरस्कार या गाण्याला प्राप्त झाला तर मोठा इतिहासच घडणार आहे.
ऑस्कर 2023 साठीच्या नामांकनांची मंगळवारी (24 जानेवारी) कॅलिफोर्नियातील बेव्हरली हिल्स येथे अधिकृतपणे घोषणा करण्यात आली. रिझ अहमद आणि अॅलिसन विल्यम्स यांनी त्यांच्या अकादमी पुरस्कार नामांकनांची घोषणा केली. सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट अभिनेता आणि सर्वोत्कृष्ट अभिनेत्रीसाठीच्या नामांकनाकडे सर्वांचे लक्ष लागले होते. दरम्यान, भारतासाठी ही आनंदाची बातमी आली आहे. गोल्डन ग्लोब पुरस्कार जिंकल्यानंतर, RRR आता ऑस्कर 2023 साठी देखील अधिकृतपणे नामांकित झाले आहे. चित्रपटातील नाटू नाटू या गाण्याला मूळ गाण्याच्या श्रेणीत नामांकन मिळाले आहे.
This year's Original Song nominees are music to our ears. #Oscars #Oscars95 pic.twitter.com/peKQmFD9Uh
— The Academy (@TheAcademy) January 24, 2023
दक्षिण भारतीय चित्रपटांचा नंबर वन दिग्दर्शक मानला जाणारा एसएस राजामौली यांचा गेल्या वर्षी प्रदर्शित झालेल्या ‘आरआरआर’ चित्रपटाने इतिहास रचला आहे. देशासाठी पहिला गोल्डन ग्लोब अवॉर्ड जिंकल्यानंतर ‘RRR’ने असा आणखी एक टप्पा गाठला आहे, ज्याने सर्वांचीच छाती रुंद केली आहे. खरं तर, आज ज्युनियर एनटीआर आणि राम चरण स्टारर या चित्रपटातील ‘नाटू-नाटू’ या गाण्याला ऑस्कर 2023 साठी मूळ गाण्याच्या श्रेणीत नामांकन मिळाले आहे. ही बातमी येताच राजकारण्यांपासून ते सेलिब्रिटींपर्यंत सर्वजण सोशल मीडियावर ‘RRR’ चित्रपटाच्या टीमचे अभिनंदन करत आहेत. हा केवळ ‘RRR’ संघासाठीच नाही तर संपूर्ण देशासाठी अभिमानाचा क्षण आहे.
‘RRR’मध्ये मुख्य अभिनेत्याची भूमिका करणारा अभिनेता राम चरणच्या वडिलांनाही ही बातमी ऐकून धक्का बसला आहे. त्यांनी चित्रपटाच्या संपूर्ण टीमचे तसेच एसएस राजामौली आणि एमएम कीरावानी यांचे अभिनंदन केले आहे. चिरंजीवीने ट्विटमध्ये लिहिले की, ‘सर्वोत्कृष्ट मूळ गाण्यासाठी ऑस्कर नामांकन मिळाल्याबद्दल गुरू आणि दूरदर्शी एसएस राजामौली, एमएम कीरावानी आणि नातू नातू यांच्या पाठीमागील संपूर्ण टीमचे हार्दिक अभिनंदन.’
WE CREATED HISTORY!! 🇮🇳
Proud and privileged to share that #NaatuNaatu has been nominated for Best Original Song at the 95th Academy Awards. #Oscars #RRRMovie pic.twitter.com/qzWBiotjSe
— RRR Movie (@RRRMovie) January 24, 2023
Historic RRR Movie Natu Natu Song Oscar 2023 Nomination
