इगतपुरी (इंडिया दर्पण वृत्तसेवा) – मुंबई – आग्रा महामार्गावर इगतपुरी जवळ झालेल्या भीषण अपघातात एकाच कुटुंबातील ४ जण जागीच ठार झाले. या अपघातात एक जण गंभीर जखमी आहे. आज दुपारी ४ वाजता हा अपघात झाला. मुंबईच्या दिशेने जाणा-या कारचे टायर फुटल्यामुळे ही कार टोईंग व्हॅनवर आदळल्याने हा अपघात झाला. या घटनेनंतर इगतपुरी पोलिसांनी घटनस्थाळी धाव घेतली. या अपघातात एक लहान बालिका, एक महिला व दोन पुरुषांचा मृत्यू झाला आहे. या अपघातानंतर वाहतूक विस्कळीत झाली होती. त्यानंतर महामार्ग पोलिसांनी वाहतूक सुरळीत केली. गेल्या काही दिवसात महामार्गावरील अपघाताचे प्रमाण वाढले आहे. त्यात इगतपुरी जवळ होणा-या अपघाताची संख्या जास्त आहे.
