पुणे (इंडिया दर्पण वृत्तसेवा) – आजच्या काळात चहाला अमृततुल्य असे म्हटले जाते, सकाळी उठले की, बहुतांश जण चहा पितात, परंतु त्याच बरोबर चहा सोबत काही जण बिस्कीट किंवा अन्य पदार्थही खातात. परंतु चहा सोबत काही खाताना निश्चितच याबाबत विचार करणे आवश्यक आहे की, ते पदार्थ आरोग्यासाठी चांगले आहे की वाईट आहेत.
चहामध्ये असे अँटीऑक्सिडंट असतात, जे यकृताचे आरोग्य सुधारण्यास मदत करतात. काळा आणि हिरवा चहा यकृतातील एन्झाईम्स आणि फॅट्सची पातळी सुधारण्यास मदत करतो. विशेषतः, ग्रीन-टी यकृत एंझाइम पातळी सुधारू शकते, ऑक्सिडेटिव्ह ताण आणि यकृत चरबी कमी करू शकते.
दिवसाची सुरुवात गरम चहा किंवा कॉफीने करणे ही एक सामान्य गोष्ट आहे. पण रिकाम्या पोटी चहा किंवा कॉफी पिऊ नये हे फार कमी जणांना माहीत आहे. यामध्ये असलेल्या कॅफीनमुळे पोटात गॅसची समस्या होऊ शकते आणि त्यामुळे पोटाशी संबंधित आजारांना बळी पडू शकता. चहासोबत हमखास काही जणांना बिस्किटं खायला आवडते. कुणाला चहासोबत ब्रेड आणि बटर खायला आवडते. तर कुणी चहासोबत खारी- टोस्ट असे पदार्थ खातात.
पावसाळी वातावरणात जर संध्याकाळचा चहा घेत असाल तर मग त्यासोबत भजी, सॅण्डविज, मॅगी किंवा असेच काहीसे खमंग पदार्थ हमखास संपवले जातात. चहासोबत अशा वेगवेगळ्या पदार्थांचा आस्वाद घेण्याचा आनंद निश्चितच वेगळा आहे. पण चहासोबत किंवा चहा घेतल्यानंतर आपण लगेचच काय खाऊ नये कारण यामुळे विरुद्ध अन्न एकत्र येऊन त्यांची आपापसात रिॲक्शन होते आणि त्याचा तब्येतीवर वाईट परिणाम होतो.
दुधाला पूर्ण अन्न म्हटले जाते, त्यामुळे लहान मुलांपासून तर ज्येष्ठ नागरिकांपर्यंत प्रत्येकानेच ते प्राशन केले, तर त्यामुळे आरोग्य चांगले राहते, असे आरोग्य तज्ज्ञ सांगतात. परंतु अलीकडच्या काळात दुधाऐवजी चहा आणि कॉफीचा वापर वाढला आहे. मात्र त्यासाठी घरोघरी दूध आणण्यात येतेच, चहा किंवा दूध घरी आणल्यावर वारंवार तापविल्याने किंवा उकळल्याने त्यातीत पोषक घटक नष्ट होतात.
सध्या पावसाळा असून आता चहा आणि भजी हे एक जबरदस्त हिट कॉम्बिनेशन मानले जाते पण चहासोबत किंवा चहानंतर लगेचच बेसन असणारे पदार्थ खाल्ले तर चहातील टॅनिनमुळे शरीरातील पोषक घटक रक्तात मिसळण्यास अडथळा येतो. त्यामुळे चहा- भजी हे खाणे आहारतज्ज्ञांच्या दृष्टीकोनातून फारसे योग्य नाही.
चहासोबत किंवा चहा घेतल्यानंतर लगेचच सुकामेवा किंवा सुकामेव्याचा भरपूर वापर असणारे पदार्थ, हिरव्या पालेभाज्या असणारे पदार्थ किंवा लोह भरपूर प्रमाणात असणारे पदार्थ खाऊ नयेत, असे हॉर्वर्ड विद्यापीठातील न्युट्रीशन विभागातर्फे करण्यात आलेल्या अभ्यासात सांगितले आहे. चहा घेतला की आपल्या शरीरात त्यामध्ये असणारे टॅनिन आणि ऑक्झालेट जाते. याचा शरीरावर वाईट परिणाम होतो.
सकाळी किंवा सांयकाळी गरम चहा प्यायल्यानंतर लगेचच कोणताही थंड पदार्थ खाणे, थंड पदार्थ खाल्यानंतर किंवा प्यायल्यानंतर गरमागरम चहा पिणे, या दोन्ही गोष्टी टाळायला पाहिजेत. कारण हे दोन विरुद्ध गुणधर्माचे पदार्थ एकानंतर एक घेतले तर त्याचा पचनावर विपरित परिणाम होतो. त्यामुळे ॲसिडीटी, गॅसेस असे त्रास होऊ शकतात.
दूधाचा चहा आणि त्यानंतर व त्यासोबतच लिंबू असणारा एखादा खाणे टाळा. चहामध्ये असणारे घटक आणि लिंबामधलं सायट्रिक ॲसिड यांची एकमेकांशी रिॲक्शन होऊन त्यातून आरोग्याच्या अनेक समस्या निर्माण होऊ शकतात. काही जणं लेमन टी, ग्रीन टी घेणे पसंत करतात. पण आहारतज्ज्ञांच्या मते ॲसिडीटीचा त्रास असणाऱ्यांनी लिंबू असलेला ग्रीन टी, लेमन टी घेणे टाळावे.
Health Tips Don’t Eat These Things With Tea
