हैती – या कॅरिबियन देशात झालेल्या शक्तिशाली भूकंपामुळे मृतांचा आकडा ३०० च्या वर गेला आहे. रिश्टर स्केलवर भूकंपाची तीव्रता ७.२ मोजण्यात आली. भूकंपामुळे किमान १८०० लोक जखमी झाल्याची माहिती मिळाली आहे. अमेरिकेच्या भूवैज्ञानिक सर्वेक्षणानुसार, भूकंपाचा केंद्रबिंदू हैती येथून १२किलोमीटर ईशान्येस सेंट-लुईस डु सुद येथे होता. जागतिक आरोग्य संघटनेने म्हटले आहे की, या परिस्थितीत सर्व जग हैतीच्या लोकांच्या पाठीशी उभे आहे आणि लोकांना त्यांच्या आरोग्य संबंधांच्या गरजा पूर्ण करण्यात मदत करत आहे.
हैतीचे पंतप्रधान एरियल हेन्री यांनी म्हटले आहे की, भूकंपामुळे देशाच्या दक्षिण भागात मोठे नुकसान झाले आहे. आता पीडितांच्या मदतीसाठी सरकारी यंत्रणा तैनात करण्यात आली आहे. भूकंपामुळे पंतप्रधान हेन्री यांना एक महिन्यासाठी आणीबाणी घोषित करावी लागली आहे. दरम्यान, अमेरिकेचे अध्यक्ष जो बिडेन यांनी भूकंपामुळे प्रभावित झालेल्या लोकांबद्दल शोक व्यक्त केला आहे. त्यांनी हैतीला अमेरिकेच्या मदतीला तत्काळ प्रभावाने मंजुरी दिली आहे.
हैतीमध्ये भूकंपाच्या जोरदार हादऱ्यानंतर या किनारपट्टीच्या देशावर त्सुनामीचा धोकाही असल्याचा इशारा अमेरिकेच्या भूवैज्ञानिक सर्वेक्षणाने त्सुनामीचा जारी केला आहे. राजधानी पोर्ट-औ-प्रिन्समध्ये लोक भूकंपाच्या तीव्र हादऱ्यानंतर घराबाहेर पडले आणि घाबरून रस्त्यावर जमा झाले. भूकंपाचे धक्के इतके तीव्र होते की घरातील सर्व जोरात थरथर करू लागल्या होत्या.
सूत्रांकडून मिळालेल्या माहितीनुसार, भारतीय वेळेनुसार संध्याकाळी ५.५९ वाजता भूकंप झाला. या भूकंपामुळे अनेक इमारतींचेही नुकसान झाल्याचे सांगण्यात आले आहे. शेजारील देशांमध्येही भूकंपाचे तीव्र धक्के जाणवले आहेत. भूकंपामुळे हैतीमधील शाळांच्या इमारतींव्यतिरिक्त घरांचेही नुकसान झाले आहे. या आपत्तीग्रस्त कॅरिबियन देशात भूकंप आणि चक्रीवादळाने अनेकदा कहर केला आहे. २०१८ मध्ये प्रचंड भूकंप झाला होता, त्यामध्ये १५ अधिक लोकांचा मृत्यू झाला होता. त्यापुर्वी २०१० मध्ये अनेकदा विनाशकारी भूकंप झाले. या भूकंपामुळे ३ लाखांहून अधिक लोकांचा मृत्यू झाला होता.