अमेरिकेत हजारो नोकऱ्या जाताय; भारतातही मंदी येणार? अर्थतज्ज्ञ काय म्हणताय?

नितीन नायगावकर, इंडिया दर्पण वृत्तसेवा
मंदी म्हटल्यावर धस्स व्हावं, अशी अवस्था आहे. २००८ मध्ये आयटीच्या क्षेत्रात आलेल्या मंदीने कित्येकांना रस्त्यावर आणलेले आपण बघितले. त्यानंतर कोरोनाच्या नावाने अनेक मोठ्या कंपन्यांनी आपल्या कर्मचाऱ्यांना घरचा रस्ता दाखवला. पण आता कोरोनाच्या धक्क्यातूनच अद्याप सावरलेले नसताना पुन्हा एकदा मंदिचे सावट घोंघावू लागले आहे. या मंदीतही लाखोंच्या नोकऱ्या जातील, असा अंदाज वर्तवण्यात येत आहे.

२०२३ मध्ये मंदीची शक्य जगभरातील तज्ज्ञांनी वर्तवलीच होती. मुळात काही महिन्यांपूर्वी आयटीमध्ये आलेल्या मंदिने अनेकांच्या नोकऱ्याही घेतल्या. पण, २०२२ मध्ये वाढलेली महागाई याचे संकेत देतच होती. आंतरराष्ट्रीय नाणे निधीच्या प्रमुख क्रिस्टालिना जॉर्जिवा यांनी २०२३ हे आर्थिक मंदिचे वर्ष असेल, असे म्हटलेच होते. त्यानंतर त्याचे परिणाम आपण बघितले. अमेझॉन, मेटा आणि ट्विटरसारख्या बड्या कंपन्यांनी कित्येकांना नोकरीवरून काढले. चीनमध्ये कोरोनाची पुन्हा एकदा एन्ट्री होणे, महागाई वाढणे, रशिया-युक्रेन यांच्यातील युद्ध या सर्व कारणांमुळे पुन्हा एकदा २००८ सारखीच स्थिती निर्माण होण्याची शक्यता तज्ज्ञांनी वर्तवली आहे.

भारताबद्दल आशावादी
क्रिस्टालिना जॉर्जिवा यांनी जगभरात मंदी असली तरीही भारतात मात्र चांगले चित्र असेल, असे म्हटले होते. त्यांनी भारत संपूर्ण जगावर प्रभाव पाडेल आणि डिजीटायजेशनच्या दिशेने उत्तम पावलं उचलली जातील, असेही त्या म्हणाल्या होत्या. पण, दुर्दैवाने अमेरिकेतून आलेली मंदी सर्वांत पहिले भारतावर आक्रमण करते. आणि भारतातील मल्टीनॅशनल कंपन्या असो किंवा स्थानिक उद्योग असो, मंदीच्या नावावर भारतातील तरुणांना मोठ्या प्रमाणात नोकऱ्या गमवाव्या लागतात, हे वास्तव आहे.

कोणी काय केले?
फेसबूकची पॅरेंट कंपनी असलेल्या मेटाने १३ टक्के कर्मचारी कपात करण्याचा निर्णय घेतला आहे. अमेरिकेत कोरोनाच्या काळात फूड डिलीव्हरीमध्ये अव्वल कामगिरी करून मालामाल झालेली कंपनी आता अचानक तोट्यात गेली. त्यामुळे या कंपनीने दीड हजार कर्मचाऱ्यांना सोडचिठ्ठी दिली आहे. अमेरिकेतील एएमसी केबल नेटवर्क या कंपनीने २० टक्के कर्मचाऱ्यांना नोकरीवरून काढले.

Global Recession America Lay Off India Possibility