फुटबॉल विश्वचषक : एकाचवेळी हे दोन संघ पोहचले उपांत्य फेरीत; असा घडवला इतिहास

इंडिया दर्पण ऑनलाईन डेस्क – फिफा विश्वचषक स्पर्धेच्या ९२ वर्षांच्या इतिहासात असा योगायोग फक्त एकदाच घडला आहे, जेव्हा मागील आवृत्तीतील अंतिम फेरीतील संघांनी एकत्र विश्वचषकाच्या उपांत्य फेरीत प्रवेश केला किंवा पहिल्या चार संघांमध्ये स्थान मिळविले. गतविजेता फ्रान्स आणि उपविजेता क्रोएशिया या दोन्ही संघांनी यावेळी उपांत्य फेरी गाठली आहे. त्यामुळे तब्बल ३२ वर्षांनी असे प्रथमच घडले आहे.

१९८६ चा विजेता अर्जेंटिना आणि उपविजेता पश्चिम जर्मनी हे १९९० च्या विश्वचषकात एकत्र उपांत्य फेरीत पोहोचले होते तेव्हा ३२ वर्षांपूर्वी असे घडले होते. एवढेच नाही तर या दोन्ही संघांनी अंतिम फेरीतही प्रवेश केला, जेथे महान लोथर मॅथियासच्या नेतृत्वाखाली पश्चिम जर्मनीने महान डिएगो मॅराडोनाच्या नेतृत्वाखालील अर्जेंटिनाचा १-० असा पराभव करून केवळ विजेतेपदच पटकावले नाही तर त्याचा बदलाही घेतला. १९८६ च्या अंतिम फेरीतील पराभवचा बदलाही घेतला.

यशाची पुनरावृत्ती करण्याचे आव्हान
फिफा विश्वचषकाच्या इतिहासात मागील आवृत्तीतील संघ पुढील विश्वचषकात एकत्र उपांत्य फेरीत पोहोचण्याची ही केवळ दुसरी वेळ आहे, हे काही कमी आश्चर्यकारक नाही. अशा स्थितीत फ्रान्स आणि क्रोएशिया या वेळीही अंतिम फेरी गाठण्याचा पराक्रम करतील का, हे पाहणे उत्सुकतेचे ठरणार आहे.

शेवटच्या वेळी असे घडले ते १९९० मध्ये, जेव्हा अर्जेंटिना आणि पश्चिम जर्मनी अंतिम फेरीत पोहोचले होते. १९८६ च्या अंतिम सामन्यात, मॅराडोनाच्या नेतृत्वाखालील अर्जेंटिनाने पश्चिम जर्मनीला ३-२ ने पराभूत केले, परंतु १९९० च्या अंतिम सामन्यात, आंद्रेस ब्रेहमच्या गोलमुळे पश्चिम जर्मनीने अर्जेंटिनाचा पराभव केला होता.

आतापर्यंत केवळ पाच संघ 
त्याचबरोबर फ्रान्स आणि क्रोएशियाला सलग दोन विश्वचषक स्पर्धेच्या अंतिम फेरीत पोहोचणारे सहावे आणि सातवे संघ बनण्याची संधी आहे. इटली (१९३४, १९३८ दोन्ही वेळा विजेता), ब्राझील (१९५८, १९६२ दोन्ही वेळा विजेता), नेदरलँड्स (१९७४, १९७८ दोन्ही वेळा उपविजेते), पश्चिम जर्मनी (१९८२, ८६ दोन्ही वेळा उपविजेते) हे पाच संघ आहेत., अर्जेंटिना (१९८६ विजेता, १९९० उपविजेता), ब्राझील (१९९४ विजेता, १९९८ उपविजेता, २००२ विजेता) यांनी ही कामगिरी केली आहे. यापैकी ब्राझील आणि जर्मनी हे दोन संघ आहेत जे सलग तीन विश्वचषकांच्या अंतिम फेरीत पोहोचले आहेत. नेदरलँड्स हा एकमेव संघ आहे जो सलग दोनदा अंतिम फेरीत पोहोचला आहे, परंतु दोन्ही वेळा पराभूत झाला आहे.

FIFA Football World Cup 2023 Semi Final France Croatia