इंडिया दर्पण ऑनलाईन डेस्क – बॉलिवूडचे प्रसिद्ध गायक उदित नारायण यांना हृदयविकाराचा झटका आला? हे खरे आहे का? या बातमीने इंडस्ट्रीतील चाहत्यांना आश्चर्याचा धक्का बसला आहे. सोशल मीडियावर ट्रेंड होत असलेल्या उदित नारायण हार्ट अटॅक नावाच्या हॅशटॅगचे संपूर्ण सत्य काय आहे? वृत्तानुसार, काल रात्रीपासून उदित नारायण यांना हृदयविकाराचा झटका आल्याच्या पोस्ट सोशल मीडियावर फिरत आहेत. नारायण यांच्या व्यवस्थापकाने यासंदर्भात महत्त्वाची माहिती दिली आहे.
उदित नारायण यांच्या हृदयविकाराच्या वृत्ताने त्यांचे चाहते व्यथित झाले आहेत आणि त्यांच्या आवडत्या गायकाची सद्यस्थिती आणि त्यांच्या मृत्यूच्या बातमीबद्दल संपूर्ण सत्य जाणून घेण्यासाठी ते अस्वस्थ आहेत. पण चाहत्यांनी काळजी करण्याची गरज नाही. उदित नारायण यांच्या व्यवस्थापकाने हे वृत्त पूर्णपणे चुकीचे असल्याचे म्हटले आहे. नारायण यांना हृदयविकाराचा झटका आल्याच्या वृत्ताचे त्यांनी खंडन केले आहे. काल रात्रीपासून त्यांना अनेक फोन येत असल्याचे त्यांनी सांगितले. काल रात्री उदित यांच्याशी याविषयी बोलणे झाले. अशा खोट्या बातम्या पसरवल्याबद्दल तेही खूप नाराज आहेत.
उदित नारायण यांच्या हृदयविकाराच्या झटक्याची अफवा सोशल मीडियावर टॉप ट्रेंडमध्ये आहे. या बातमीबाबत सोशल मीडियावर अनेक फेक मेसेज व्हायरल होत आहेत. शेवटी अशा खोट्या बातम्या पसरवण्यामागे जबाबदार कोण? याबाबत सध्या माहिती नाही, मात्र एक विशेष माहिती समोर आली आहे. ती म्हणजे, ज्या फोन नंबरवरून ही फेक न्यूज पसरवली जात आहे तो नेपाळचा आहे. या फोन नंबरच्या पुढे नेपाळचा कोड आहे.
Famous Singer Udit Narayan Heart Attack News
