इंडिया दर्पण ऑनलाईन डेस्क – मनोरंजन विश्व हे त्याच्या चाहत्यांसाठी नेहमी चर्चेचा विषय ठरतो. इथे कधी काय घडेल याचा नेम नाही. आम्ही सांगणार आहोत ती घटना देखील अशीच काहीशी आहे. टीव्ही अभिनेत्री आणि ‘दिया और बाती’ फेम नुपूर अलंकारने अभिनय जगतातून संन्यास घेतला आहे. तसेच तिने स्वतःला सर्व प्रकारच्या मोहजालापासून दूर केलं आहे. सध्या ही अभिनेत्री भगवे कपडे परिधान करते आहे. तर आता संन्यास घेतल्यानंतर ती हिमालयात राहत असल्याचंही समोर आले आहे.
आपला कल नेहमीच अध्यात्माकडे असल्याचे नुपूरने सांगितले होते. सध्या ती याचा अवलंब करत असून तिने स्वतःला त्यात पूर्णपणे वाहून घेतल्याचे समजते. नुपूर तिच्या वैयक्तिक आयष्यामुळे आधीही चर्चेत राहिली आहे. २०१९ मध्ये, तिची आर्थिक स्थिती खूपच खराब झाली. दैनंदिन खर्च भागवणंही कठीण झाले होते. तसेच आर्थिक अडचणींमुळे घर गहाण ठेवण्याचा विचार करत असल्याचे अभिनेत्रीने सांगितले होते. नुपूरने ‘दिया और बाती’, यासोबतच दूरदर्शनवरील प्रसिद्ध शो ‘शक्तिमान’, ‘तंत्र’ आणि ‘घर की लक्ष्मी बेटियां’ यांसारख्या मालिकांमध्ये काम केले आहे. याशिवाय तिने काही चित्रपटांमध्येही काम केलंय.
नुकत्याच एका मुलाखतीत ती म्हणाली, “मी माझं आधीचं आयुष्य मिस करत नाही. माझ्या आयुष्यात कधीही कोणत्याच प्रकारचा ड्रामा नव्हता. मी चित्रपटसृष्टीत असताना मला लोकप्रियता आणि यशाची चिंता होती. पण आता मला कशाचीच चिंता नसून माझ्या जीवनात शांतता आहे.” दरम्यान, नुपूरने पती अलंकार श्रीवास्तवशी सर्व संबंध तोडत असल्याची माहिती दिली आहे. तिच्या पतीने तिला अध्यात्माच्या मार्गावर चालण्यासाठी सर्व नातेसंबंधातून मोकळं केलंय, असं ती म्हणाली. परंतु दोघे अद्याप कायदेशीररित्या वेगळे झालेले नाहीत. दोघांनीही एकमेकांपासून घटस्फोट घेतलेला नाही.
Entertainment Actress Nupur Alankar Took Sanyas
