दिंडोरी :मोहाडी परिसरातील सर्वच प्रमुख रस्ते मंजूर झाले आहे. दिवाळीनंतर सर्वच रस्त्यांची कामे सुरू होणार असल्याचे प्रतिपादन करून कोरोनाशी यशस्वी लढा देण्यासाठी करोना प्रतिबंधक लसीविषयी कोणताही गैरसमज न ठेवता सर्वांनी लस घ्यावी असे आवाहन विधानसभा उपाध्यक्ष नरहरी झिरवाळ यांनी केले.
मोहाडी ते विमानतळ रस्त्याच्या भूमिपूजन सोहळा संपन्न झाला. त्यावेळी झिरवाळ बोलत होते. मोहाडी- साकोरा, मोहाडी-दिंडोरी, मोहाडी- पालखेड आदींसह पुर्व भागातील सर्व प्रमुख रस्त्यांना आपण मंजूरी मिळवली आहे. पावसाळा संपताच दिवाळीनंतर आपण या रस्त्यांच्या कामांना सुरुवात करत असल्याचे सांगितले. त्याचबरोबर शेतकरी कर्जपुरवठा सुरळीत होणे, जिल्हा बँक पुर्ववत करण्यासाठी प्रयत्न व पाठपुरावा सुरु असल्याबाबतही झिरवाळ यांनी नमूद केले. यावेळी आयटीआयच्या शिक्षकांच्या मागण्यांबाबत आपण शासनाला लक्षात आणून देणार असल्याचे सांगितले. यावेळी आशा कार्यकर्त्यांनीही आपल्या विविध मागण्यांसाठी यावेळी उपस्थित होते. आशा कार्यकर्त्यांनीही यावेळी निवेदन दिले. यावर त्यांनाही सकारात्मक प्रतिसाद देत आशा वर्कर्स यांचे मानधनबाबत आपण शासनस्तरावर नक्कीच प्रयत्न करणार असल्याचे आश्वासन देत ग्रामपंचायतीच्या माध्यमातून आशाताईंना काही मदत करता आली तर तसा प्रस्तावही शासनासमोर मांडण्यात येईल असे आश्वासन दिले. यावेळी जानोरी ग्रामपंचायतीने आशा कार्यकर्तींना दोन -दोन हजार रूपयांचे वाटप करण्याच्या निर्णयाचे स्वागत केले.
यावेळी अण्णाभाऊ साठे सामाजिक सभागृहाचे भुमीपूजन विधानसभा उपाध्यक्ष नरहरी झिरवाळ यांच्या हस्ते झाले. यावेळी जिल्हा परिषद सदस्य भास्कर भगरे, राजेंद्र उफाडे, शाम हिरे, शंकरराव काठे, शहाजी सोमवंशी, सुरेश कळमकर, तुकाराम जोधंळे, शंकरराव वाघ, जानोरीच्या सरपंच संगीता सरनाईक, उपसरपंच गणेश तिडके, मविप्रचे शिक्षणाधिकारी नानासाहेब पाटील, पंढरीनाथ ढोकरे, मधुकर फुगट, नारायण गणोरे, वसंत जाधव, बाळासाहेब देशमुख, दौलतराव देशमुख, सुधाकर जाधव, सुभाष पाटील, भाऊराव गांगुर्डे, भाऊसाहेब गणोरे, गणेश झोमान, जालिंदर गोवर्धने, संतोष जाधव, शशिकांत जाधव, दिपक देशमुख, वैभव देशमुख, चेतन देशमुख, जितेंद्र जाधव, प्राचार्य खालकर, प्राचार्य खुर्दळ, रणजित पाटील, बंटीराजे देशमुख, दीपक देशमुख, विश्वनाथ भवर, हर्षल काठे, पांडुरंग गडकरी, अमोल कदम भगिरथ शिंदे, सागर पाटील, माणिक देशमुख, वसंत देशमुख, भिमराव देशमुख, मुख्य कार्यकारी अभियंता रविंद्र कंकरेज, उपअभियंता धनंजय देशमुख, अभियंता पवार, चेतन लोखंडे, चंदु अहीरे, राजेंद्र गवळी, जगन लोखंडे राजु अहिरे, अशोक अहिरे, पुंडलिक अहिरे, रत्नाकर निकम, दिलीप निकम, संजय गोवर्धने, अशोक मौले आदी उपस्थित होते. आदी उपस्थित होते. कार्यक्रमाचे सुत्रसंचालन व आभार लक्ष्मण देशमुख यांनी मानले.
