नवी दिल्ली (इंडिया दर्पण वृत्तसेवा) – दिल्लीत २०२२ मध्ये तिन्ही महापालिका एकत्र करण्यात आल्या. आता संपूर्ण दिल्लीची एकच महापालिका आहे. याच महापालिकेच्या महापौरपदी आम आदमी पार्टीच्या नगरसेविका डॉ. शैली ओबेरॉय यांनी विजय मिळविला आहे. मनपा निवडणुकीनंतर तब्बल दीड महिन्यांनी महापौरपद निवडणूक झाली. त्याकडे सगळ्यांचे लक्ष होते. आता जाणून घेऊया नव्या महापौर ओबेरॉय यांच्याविषयी…
भाजपच्या रेखा गुप्ता यांचा पराभव करत ओबेरॉय यांनी हा विजय मिळवला. या निवडणुकीत आपच्या शैली यांना १५० तर भाजपच्या रेखा गुप्ता यांना ११६ मते मिळाली. काँग्रेसच्या ९ नगरसेवकांनी या निवडणुकीवर बहिष्कार टाकला. शैली ओबेरॉय यांनी सर्वोच्च न्यायालयात दाखल केलेल्या याचिकेवर निर्णय दिल्यामुळे आजची महापौरपदाची निवडणूक शांततेत पार पडू शकली.
‘आप’च्या तिकिटावर शैली ओबेरॉय यांनी दिल्लीतील पटेल नगर विधानसभेच्या वॉर्ड क्रमांक ८६ मधून नगरसेवकपदाची निवडणूक लढवली आणि यश संपादन केले. ३९ वर्षीय शैली ओबेरॉय या व्यवसायाने प्राध्यापक आहेत. त्यांनी पीएचडीपर्यंत शिक्षण घेतले आहे. त्या पहिल्यांदाच नगरसेवक म्हणून निवडून आल्या आणि पहिल्या टर्ममध्येच त्या महापौर झाल्या. निवडणूक आयोगाच्या म्हणण्यानुसार शेली ओबेरॉय यांनी अवघ्या २६९ मतांनी निवडणूक जिंकली. पटेल नगर विधानसभेच्या प्रभाग क्रमांक ८६ मधून त्यांनी भाजपच्या दीपाली कपूर यांचा पराभव केला.
विशेष म्हणजे, शैली भारतीय वाणिज्य संघटनेच्या आजीवन सदस्य देखील आहेत. त्यांनी स्कूल ऑफ मॅनेजमेंट स्टडीज (SOMS), इंदिरा गांधी नॅशनल ओपन युनिव्हर्सिटी (IGNOU) येथून तत्वज्ञानात पीएचडी केली आहे. शैली या अनेक राष्ट्रीय आणि आंतरराष्ट्रीय परिषदांमध्ये सर्वोत्कृष्ट पेपर पुरस्काराची प्राप्तकर्ता आहेत. त्यांनी आयसीए परिषदेत सुवर्णपदक देखील जिंकले आहे. शैली ओबेरॉय यांचा विजय अनेक अर्थांनी महत्त्वाचा आहे कारण त्यांनी १५ वर्षे महापालिकेत सत्तेत असलेल्या भाजपला सत्तेतून बाहेर काढले आहे.
विजयानंतर शैली ओबेरॉय म्हणाल्या की, मी हे सभागृह संवैधानिक पद्धतीने चालवणार असल्याची ग्वाही देते. सभागृहाची प्रतिष्ठा राखून सभागृहाचे कामकाज सुरळीत पार पाडण्यासाठी आपल्या सर्वांचे सहकार्य राहील, अशी आशा आहे.
दिल्ली के लोगों के, CM @ArvindKejriwal, Dy. CM @msisodia के आशीर्वाद को नमन करते हुए, मैं दिल्ली की Mayor के रूप में सेवा करने के लिए पूरी तरह तैयार हूं।
लोकतंत्र जीता
तानाशाही हारी।लोग जीते
भ्रष्टाचार हारा।सत्य जीता
कानून के दुश्मन हारे।अब काम करना है। pic.twitter.com/6oeht6TT23
— Dr. Shelly Oberoi (@OberoiShelly) February 22, 2023
Delhi MCD Mayor AAP Dr Shelly Oberoi Who is She