इंडिया दर्पण ऑनलाईन डेस्क – अभिनेत्री देबिना बॅनर्जी आणि गुरमीत चौधरी पुन्हा एकदा आई-बाप होणार आहेत. देबिनाने गेल्या एप्रिल महिन्यात म्हणजेच ४ महिन्यांपूर्वी मुलीला जन्म दिला आहे. आता पुन्हा तिने चाहत्यांना आनंदाची बातमी दिली आहे. देबिनाने तिच्या इन्स्टाग्राम अकाऊंटवर फोटो शेअर केला आहे.
देबिनाने शेअर केलेल्या फोटोमध्ये दिसते आहे की, तिच्या हातात सोनोग्राफी रिपोर्ट आहे. पोस्टसोबतच तिचे कुटुंब पूर्ण होणार असल्याचे हॅशटॅगही देण्यात आले आहेत. लग्नाच्या ११ वर्षानंतर देबिनाने मोठ्या अडचणींनंतर गरोदर राहिली. आणि तिने मुलीला जन्म दिला. तिच्या गरोदरपणात अनेक गुंतागुंत निर्माण झाल्या होत्या.
देबिना बॅनर्जीने मंगळवारी तिच्या इंस्टाग्राम अकाऊंटवर एका फोटोसह गुडन्यूज शेअर केली. फोटोमध्ये गुरमीत चौधरीने मुलगी लियानाला एका हाताने धरले आहे आणि दुसऱ्या हाताने पत्नी देबिनाला मिठी मारली आहे. तर देबिना दोन्ही हातांनी सोनोग्राफी रिपोर्ट दाखवत आहे. या टीव्ही पॉवर कपलने डोक्यावर स्टायलिश कॅप घातली आहे आणि मुलगी लीना हिच्या डोक्यावर पांढरा हेअरबँड आहे.
देबिनाने तिच्या इन्स्टाग्रामवर लिहिले आहे की, काही गोष्टींची वेळ देवाने ठरवलेली असते आणि आपण ती बदलू शकत नाही… हा खूप मोठा आशीर्वाद आहे… लवकरच आपल्या पूर्ण करण्यासाठी येत आहे. हॅशटॅगमध्ये त्याने बेबी नंबर 2, पुन्हा मम्मी, पुन्हा बाबा असे लिहिले आहे.
३ एप्रिल रोजी या टीव्ही जोडप्याने एक सुंदर मुलगी लियानाला जन्म दिला. आणि ४ महिन्यांनंतर गुरमीत आणि देबन पुन्हा एकदा पालक होणार आहेत. देबिनाने सांगितले की, एंडोमेट्रिओसिसमुळे तिला गर्भवती होण्यासाठी खूप अडचणींचा सामना करावा लागला. देबिनाने ५ वर्षांपासून अनेक डॉक्टर आणि IVF तज्ञांना भेटले. आई होण्यासाठी तिने सर्व प्रकारे उपचार केले. एंडोमेट्रिओसिस ही एक समस्या आहे ज्यामध्ये ऊतकांच्या आत खूप रक्त वाहू लागते. त्यामुळे हा त्रास लवकरात लवकर बरा व्हावा यासाठी देबिनाने आयुर्वेदासह अनेक उपचारांचा अवलंब केला आहे.
देबिना म्हणते की, आपण समाजाने बनवलेले नियम पाळण्याचा प्रयत्न करू नये, मी सर्व मुलींना एकच सांगू इच्छिते की, कोणत्याही मुलीने लग्नाच्या आणि आई होण्याच्या वयाची जास्त काळजी करू नये. मी पाहिले आहे की लोक वयाच्या ३० व्या वर्षी लग्न करतात आणि ४० व्या वर्षी एक मूल होते. सर्व गोष्टी शक्य आहेत. सामाजिक तणावाखाली न येता जीवनात आपले ध्येय साध्य करण्याचा प्रयत्न केला पाहिजे.
Debina Bonnerjee And Gurmeet Choudhary Announce Second Pregnancy
Entertainment Good News TV Actress TV Couple
