इंडिया दर्पण ऑनलाईन डेस्क – मध्य प्रदेशातील ग्वाल्हेर जिल्ह्यात एक धक्कादायक प्रकार समोर आला आहे. विद्यार्थिनीवर कॉलेजच्या प्राध्यापकाने बलात्कार केल्याची घटना समोर आली आहे. ही विद्यार्थिनी छतरपूर जिल्ह्यातील रहिवासी असून ती ग्वाल्हेरमध्ये एमफिलचे शिक्षण घेत असल्याचे सांगण्यात येत आहे.
पीडित मुलीने पोलिसांना तक्रार दिली आहे. त्यात म्हटले आहे की, कॉलेजचे प्राध्यापक नापास करण्याची धमकी देऊन तिच्यावर बलात्कार करत राहिले आणि यादरम्यान त्याने अश्लिल व्हिडिओही बनवला आणि नंतर या व्हिडिओच्या माध्यमातून धमकावून बलात्कार सुरूच ठेवला. विद्यार्थिनीचे लग्न झाल्यावर प्राध्यापकाने तिला भेटण्यासाठी अनेकवेळा दबाव आणला, तिने विरोध केल्यावर प्राध्यापकाने पीडितेचे नग्न व्हिडिओ तिच्या पतीच्या मोबाईलवर पाठवले. या छळाला कंटाळून अखेर पीडितेने पोलिसात धाव घेतली. तिच्या तक्रारीवरून पोलिसांनी गुन्हा दाखल करून त्याचा शोध सुरू केला आहे.
२८ वर्षीय पीडितेने महिलेने पोलिस ठाण्यात दिलेल्या तक्रारीत म्हटले आहे की, तिच्या अभ्यासादरम्यान तिची कॉलेजचे प्राध्यापक डॉ. अंगद सिंह यांच्याशी भेट झाली. एके दिवशी प्राध्यापक अंगदने तिला नापास करण्याची धमकी देऊन तिच्यावर बलात्कार केला. यादरम्यान आरोपी प्रोफेसरने या सर्व प्रकाराचा व्हिडिओही बनवला. त्यानंतर आरोपी प्राध्यापकाने नग्न व्हिडिओ व्हायरल करण्याची धमकी देत तिच्यावर वारंवार बलात्कार करीत राहिला.
काही दिवसांनी पीडित विद्यार्थिनीचे लग्न झाले. परंतु महाविद्यालयातील आरोपी प्राध्यापक त्याच्या या घृणास्पद कृत्यापासून परावृत्त झाला नाही. त्यानंतर आरोपी प्राध्यापक पीडितेला न्यूड व्हिडीओ व्हायरल करण्याची धमकी देऊन तिला फोन करायचा. तिने विरोध केल्यावर प्राध्यापकाने तिचे न्यूड व्हिडिओ तिच्या पतीला पाठवले. हा प्रकार पीडितेच्या पतीला समजल्यानंतर पतीने तिला घटस्फोट दिला. प्राध्यापकाच्या छळाला कंटाळून पीडितेने आरोपी प्राध्यापकाविरोधात महिला पोलिस ठाण्यात तक्रार दिली आहे. या तक्रारीवरून पोलिसांनी गुन्हा दाखल करून आरोपींचा शोध सुरू केला आहे.
Crime Professor Rape Girl Student Threatening Madhya Pradesh Gwalior
