नाशिक : विहीतगाव परिसरात बंद घर फोडून चोरट्यांनी सव्वा लाखाच्या ऐवजावर डल्ला
नाशिक : विहीतगाव परिसरात बंद घर फोडून चोरट्यांनी सव्वा लाखाच्या ऐवजावर डल्ला मारला.त्यात रोकडसह सोन्याचांदीच्या दागिण्यांचा समावेश आहे. याप्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे. सुरेखा विजय परदेशी (रा.रसिक लक्ष्मी सोसा.लोटस हॉटेल समोर,विहीतगाव) यानी याप्रकरणी तक्रार दाखल केली आहे. परदेशी कुटूंबिय गेल्या शुक्रवारी (दि.२६) बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचे कुलूप तोडून कपाटातील १ लाख ६ हजार रूपयांची रोकड आणि सोन्याचांदीचे दागिणे असा सुमारे १ लाख २१ हजाराचा ऐवज चोरून नेला. अधिक तपास उपनिरीक्षक बटूळे करीत आहेत.
दोन मोटारसायकल चोरी
नाशिक : शहरातून दिवसाआड चार पाच मोटारसायकलींवर चोरटे डल्ला मारत असून नुकत्याच दोन दुचाकी चोरट्यानी पळवून नेल्या. याप्रकरणी आडगाव आणि मुंबईनाका पोलीस ठाण्यात वाहनचोरीचे गुन्हे दाखल करण्यात आले आहेत. हिरावाडीतील देवेंद्र नंदू गवळी (रा.सुर्यानंद सोसा.शक्तीनगर) हे गेल्या शनिवारी (दि.२७) नवीन आडगावनाका भागात गेले होते. स्वामीनारायण नगर येथील पाटणकर फेब्रीकेशन समोर पार्क केलेली त्यांची पल्सर एमएच १५ एफएक्स ०४४० चोरट्यांनी चोरून नेली. याप्रकरणी आडगाव पोलीस ठाण्यात गुन्हा दाखल करण्यात आला असून अधिक तपास पोलीस नाईक जाधव करीत आहेत. दुसरी घटना मदिना चौकात घडली. याप्रकरणी शहबाज सफीउल्ला देशमुख (रा.हुमा सोसा.मदीनाचौक) यांनी तक्रार दाखल केली आहे. देशमुख यांची दुचाकी एमएच १५ डीव्ही ७७१६ गेल्या रविवारी (दि.२८) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. याप्रकरणी मुंबईनाका पोलीस ठाण्यात नोंद करण्यात आली असून अधिक तपास हवालदार टेमगर करीत आहेत.
