भरधाव कार आणि अ‍ॅटोरिक्षात झालेल्या धडकेत रिक्षाप्रवासी ठार
नाशिक : भरधाव कार आणि अ‍ॅटोरिक्षात झालेल्या धडकेत रिक्षाप्रवासी ठार झाला. हा अपघात महामार्गावरील हनुमाननगर भागात सर्व्हीसरोडवर झाला. याप्रकरणी आडगाव पोलीस ठाण्यात मृत्युची नोंद करण्यात आला आहे. पोपट भटू गरदे (५० रा.बालाजी चौक,आडगाव) असे अपघातात ठार झालेल्या प्रवाशीचे नाव आहे. गरदे मंगळवारी (दि.३०) जत्रा हॉटेल येथून नाशिकच्या दिशेने एमएच १५ ईएच १७२२ या अ‍ॅटोरिक्षातून प्रवास करीत असतांना हा अपघात झाला. हनुमानवाडी येथील बळीमंदिर परिसरातील सर्व्हीसरोडवर हा अपघात झाला. समोरून भरधाव येणा-या स्विफ्टकार एमएच १७ एजे ७७२६ व अ‍ॅटोरिक्षात अपघात झाल्याने गरदे गंभीर जखमी झाले होते. मुलगा विश्वास गरदे यांनी तातडीने त्यांना जिल्हारूग्णालयात दाखल केले असता उपचार सुरू असतांना त्यांचा मृत्यु झाला. अधिक तपास हवालदार कहांडळ करीत आहेत.
…
दगड फेकून मारल्याने एक जखमी
नाशिक : घराजवळ का उभे आहेत याबाबत जाब विचारल्याने संतप्त झालेल्या एकाने घरमालकाच्या डोक्यात दगड फेकून मारल्याची घटना अंबड गावात घडली. या घटनेत घरमालक जखमी झाला असून, याप्रकरणी अंबड पोलीस ठाण्यात गुन्हा दाखल करण्यात आला आहे. दीपक अशोक चव्हाण (रा.गिरीधर अपा.अंबडगाव) असे दगड फेकून मारणाºया संशयीताचे नाव आहे. याप्रकरणी वसंत गोविंद जमधडे (५४ रा.मारूती मंदिराजवळ,हनुमान चौक) यांनी तक्रार दाखल केली आहे. जमधडे यांच्या घरासमोर सोमवारी (दि.२९) काही तरूणांचे टोळके उभे राहून गप्पा मारत उभे होते. यावेळी जमधडे यांनी घराजवळ का उभे आहेत असा जाब विचारल्याने पाठीमागून आलेल्या संशयीताने शिवीगाळ करीत त्यांच्या डोक्यात दगड फेकून मारली. या घटनेत जमधडे जखमी झाले असून अधिक तपास हवालदार टोपले करीत आहेत.
…..
