नाशिक : रस्त्याने पायी जाणा-या व्रुध्देस पत्ता विचारण्याचा बहाणा करून दुचाकीवरून आलेल्या भामट्यानी महिलेच्या गळ्यातील सोन्याची साखळी ओरबाडून नैल्याची घटना कृषीनगर भागात घडली. वत्सला वामन बेद्रे ( ७१ रा.समर्थ नगर गंगापूररोड) यांनी तक्रार दाखल केली आहे. वत्सला बेद्रे या मंगळवार (दि.३१) रोजी सकाळच्या सुमारास फेरफटका मारण्यासाठी नेहमी प्रमाणे कृषीनगर जॅागिंग ट्रॅक भागात गेल्या होत्या. स्वाद हॅाटेल समोरून त्या आपल्या घराच्या दिशेने पायी जात असतांना ही घटना घडली. दुचाकीवरून आलेल्या भामट्यानी पत्ता विचारण्याच्या बहाण्याने वाट अडवित त्याच्या गळ्यातील सुमारे चाळीस हजार रूपये किमतीचा सोनसाखळी ओरबाडून पोबारा केला.या प्रकरणी गंगापूर पोलीस ठाण्यात जबरी चोरीचा गुन्हा दाखल करण्यात आला असून अधिक तपास एपीआय बैसाणे करीत आहेत.
