नाशिक – बटुक हनुमानाचे दागिणे चोरीला, महिलेवर संशय

बटुक हनुमानाचे दागिणे चोरीला
नाशिक – तपोवनात बटुक हनुमान मंदीरात शुक्रवारी मुर्तीचे दागिणे चोरट्यांनी लंपास केल्याचा प्रकार उघडकीस आला आहे. याप्रकरणी महंत बालकदास शामसुंदर त्यागी (वय ३२, हनुमान बटुक मंदीर) यांच्या तक्रारीनुसार शुक्रवारी (ता.९) दुपारी दोन ते अडीचच्या सुमारास तपोवनातील बटुक हनुमान मंदीरात दर्शनासाठी आलेल्या अज्ञात महिलेने मंदीरातील देव्हाऱ्यात ठेवलेल्या शालीग्राम शिलामूर्तीच्या गळ्यातील ५ ग्रॅम सोन्याची चेन, त्यात बालाजीचे पान, ४५० ग्रॅमचे चांदीचे सिंहासन असा सुमारे २५ हजाराचा ऐवज चोरुन नेला. याप्रकरणी आडगाव पोलीस ठाण्यात गुन्हा दाखल झाला आहे.

…..

गोंधळ हॉटेलसमोर वाहनचालकाला मारहाण
नाशिक – पंचवटी परिसरातील बाजार समिती परिसरात गोंधळ हॉटेल समोर वाहन पार्कींग केल्‍याच्या रागातून चौघांनी वाहन चालकाला बेदम मारहाण केली. याप्रकरणी पंचवटी पोलिस ठाण्यात राजेंद्र उत्तमराव चव्हाण (वय ५३, बुधवार पेठ), कार्तीक कानु शिट (वय २५), विनोद देवलाल राठोड (वय २३, त्याचे साथीदार गोंधळ हॉटेल) यांच्या विरोधात गुन्हा दाखल झाला असून पोलिसांनी चौघांना अटक केली आहे. शुक्रवारी (ता.९) दुपारी चारला सागर पवार आणि दीपक माडोंळे हे त्यांचे वाहन गोंधळ हॉटेल समोर उभे करुन पीव्हीसी पाईप घेण्यासाठी मोबाईलवर बोलत असतांना गोंधळ हॉटेलमधील राजेंद्र चव्हाण याने गाडीजवळ येऊन गाडीच्या काचेवर थापा मारत तू आमच्या हॉटेलजवळ गाडी का लावली असे म्हणत शिवीगाळ करुन लाथा बुक्यांनी मारहाण केली. तर कार्तीक शेट याने हातातील पाईपने मारहाण केली दुसऱ्याने पाठीत दगड मारुन जखमी केले