नाशिक – अंबड येथील माणिकनगरमध्ये असलेल्या रुद्रा प्रॅक्टीकल स्कूलमधून ७२ हजारांची रोकड व चेकबुक, डीव्हीआर व महत्त्वाची कागदपत्रे एका तरुणाने चोरून नेल्याची घटना घडली आहे. याचोरी प्रकरणी स्मिता प्रवीण चौधरी यांनी अंबड पोलीस ठाण्यात फिर्याद दिली आहे. या तक्रारीवरुन सिद्धांत तेजाळे (वय २५, रा. भीमनगर, नाशिकरोड) या तरुणाविरुद्ध अबंड पोलिस ठाण्यात गुन्हा दाखल झाला आहे. चौधरी यांनी दिलेल्या तक्रारीत म्हटले आहे की, हा तरुण १२ मे रोजी अंबड लिंक रोडवरील माणिकनगर येथे रुद्रा प्रॅक्टीकल स्कूलच्या बिल्डिंगच्या गेटवरून आत आला. त्याने दोन नंबरच्या गेटमधून बिल्डिंगमध्ये प्रवेश केला. तेथे असलेली ७२ हजार ६०० रुपयांची रोख रक्कम, तसेच दोन हजार रुपये किमतीचा सीसीटीव्हीचा डीव्हीआर यासह जळगाव पीपल्स व जळगाव जनता बँकेचे प्रत्येकी तीन चेकबुक, तसेच शाळेतील शिक्षकांच्या कागदपत्रांची फाईल असा एकूण ७४ हजार ६०० रुपयांचा मुद्देमाल चोरुन नेला. या चोरीप्रकरणाचा पुढील तपास पोलीस नाईक देशमुख करीत आहेत.
नाशिक – रुद्रा प्रॅक्टीकल स्कूलमधून ७२ हजारांची रोकडसह महत्त्वाची कागदपत्रे चोरीला
