इंडिया दर्पण ऑनलाईन डेस्क – गेल्या काही वर्षांमध्ये देशभरात लव्ह जिहादचे प्रकार सातत्याने वाढत आहेत. यामध्ये काही मुस्लीम धर्मीय तरुण मुले हे हिंदू तरुण मुलींना फसवून किंवा बळजबरीने आपल्या जाळ्यात अडकवतात आणि त्यांची अशी लग्न करून त्यांचे धर्मांतर घडवून आणतात. असाच एक प्रकार मध्य प्रदेशात घडला आहे. त्यामुळे एकच खळबळ उडाली आहे.
खांडवा येथे हिंदू तरुणीला धर्मांतर आणि लग्नासाठी धमकावणाऱ्या मुस्लीम तरुणाला अटक करण्यात आली आहे. तू इस्लाम धर्म स्वीकाराला नाहीस आणि माझ्याशी लग्न केलं नाहीस, तर तुझ्यावर अॅसिड हल्ला करेन, अशी धमकी त्याने १९ वर्षीय नर्सिंगचे शिक्षण घेणाऱ्या तरुणीला दिली होती. आरोपी तरुण गेल्या काही दिवसांपासून तरुणीचा पाठलाग करत होता. सदर आरोपी मोनू मन्सूरी आणि पीडित मुलगी एकाच गावातील रहिवासी आहेत. मुलीने पोलीस तक्रारीत दिलेल्या माहितीनुसार, आरोपीला तिचा मोबाइल नंबर मिळाला होता. त्याने व्हॉट्सअपला मेसेज पाठवून लग्नाचा प्रस्ताव नाकारला तर हत्या करेन अशी धमकी दिली होती.
मोनू मन्सूरी याने मुलीला थांबवून तिच्यावर फुलं उधळली होती. तसेच त्याने हातात बंदूक पकडल्याचा व्हिडीओ सोशल मीडियावर पाठवला आहे. पोलिसांनी दिलेल्या माहितीनुसार, “मोनू मन्सारीला अटक करण्यात आली आहे. फसवणुक करत धर्मांतर केल्यास आणि खासकरुन लग्नासाठी असल्यास मध्य प्रदेशात १० वर्षांच्या कारावासाची शिक्षा आहे. या घटने दरम्यान मोनू मन्सूरी पाठलाग करत असताना तसंच फुलं उधळली तेव्हा मुलीने मदत मागितली होती. पळून जाण्याआधी आरोपीने मुलीला धर्मांतर केलं नाही तर अॅसिड हल्ला करण्याची धमकी दिली असं पोलिसांनी सांगितलं आहे. तसेच मुलीने हिंदू संघटनांकडेही मदत मागितली आहे. या प्रकरणामुळे हिंदू संघटनांनी संताप व्यक्त केला असून तातडीने कारवाईची मागणी केली आहे.
Crime Love Jihad Hindu Young Girl Muslim Youth Arrest
Madhya Pradesh Khandva
