इंडिया दर्पण ऑनलाईन डेस्क – कर्नाटकातील हुबळी येथे एका दलित व्यक्तीचे जबरदस्तीने धर्मांतर करून त्याला इस्लाम धर्म स्वीकारण्यास भाग पाडल्याची घटना समोर आली आहे. यासोबतच त्याची कथित सुंताही करण्यात आली असून त्याच्या इच्छेविरुद्ध त्याला गोमांसही खाण्यास भाग पाडल्याचा आरोप आहे. यासोबतच तीन हिंदूंचे धर्मांतर करण्यासाठी दलित व्यक्तीवर दबाव टाकण्यात आल्याचे सांगितले जात आहे.
श्रीधर गंगाधर (२६) या व्यक्तीने दिलेल्या तक्रारीच्या आधारे पोलिसांनी सांगितले की, त्यांनी १२ जणांविरुद्ध तक्रार दाखल केली आहे, मात्र अद्याप कोणालाही अटक करण्यात आलेली नाही. राज्यातील मंड्या येथील रहिवासी असलेल्या गंगाधरने आपल्या तक्रारीत म्हटले आहे की, त्याचे नावही बदलून मोहम्मद सलमान ठेवण्यात आले आहे. त्याच्या म्हणण्यानुसार, मे महिन्यात तो मंड्याच्या मद्दूर तालुक्यातील कोप्पा येथील अत्तावर रहमानच्या संपर्कात आला.
पोलिसांनी तक्रारीचा हवाला देत म्हटले आहे की, रेहमान कथितपणे गंगाधरला बेंगळुरूमधील बनशंकरी मशिदीत घेऊन गेला आणि तेथे अझीझ साब नावाच्या आणखी एका आरोपीने तिला इस्लामचे धडे शिकवण्यास सुरुवात केली. गंगाधरला बेंगळुरूमधील अनेक मशिदींमध्ये नेण्यात आले आणि नंतर सुंता करून गोमांस खाण्यास भाग पाडले. गंगाधरने गोमांस खाण्यास नकार दिल्याने त्याच्यावर प्राणघातक हल्ला करण्यात आला.
पोलिसांनी दिलेल्या माहितीनुसार, आरोपी त्याला तिरुपती आणि जवळच्या मशिदीत घेऊन गेले. तेथे त्यांनी त्याला कुराण शिकायचे आणि इस्लामिक पद्धतीने नमाज कसे अदा करायचे हे शिकविले. एके दिवशी आरोपींनी त्याला किमान तीन हिंदूंना मुस्लिम बनवण्याचे टार्गेट दिले, त्यांनी त्यांला पिस्तूलही दिले आणि त्याचा फोटोही काढला. पोलिस याप्रकरणी कसून तपास करीत आहेत.
Crime Dalit Man Religious Transformation FIR Registered
Crime
