इंडिया दर्पण ऑनलाईन डेस्क – भारत आणि श्रीलंका यांच्यातील तीन एकदिवसीय सामन्यांच्या मालिकेतील शेवटचा आणि निर्णायक सामन्यात आज सलामीवीर शुभमन गिलने जोरदार बॅटिंग केली. श्रीलंकेच्या गोलंदाजांची जोरदार धुलाई करीत गिलने एकदिवसीय सामन्यांमधील दुसरे शतक झळकावले.
केरळमधील तिरुवनंतपुरम येथे तिसरा एकदिवसीय सामना खेळला जात आहे. ज्यामध्ये टीम इंडियाचा कर्णधार रोहित शर्माने नाणेफेक जिंकली आणि प्रथम फलंदाजी करण्याचा निर्णय घेतला. प्रथम फलंदाजी करताना रोहित शर्मा आणि सलामीवीर शुभमन गिल यांनी चांगली सुरुवात केली. या सामन्यात कर्णधार रोहित बाद झाल्यानंतर शुभमन गिलने संघाचा डाव सांभाळला आणि दमदार शतक झळकावले. गिलच्या शतकानंतर त्याचा सेलिब्रेशनचा व्हिडिओ मोठ्या प्रमाणात व्हायरल होत आहे.
https://twitter.com/BCCI/status/1614568297495924738?s=20&t=_1m1VT84qw5rGor4Mvf0DQ
खरं तर, भारतीय संघाचा सलामीवीर शुभमन गिलने वनडे मालिकेतील तिसऱ्या आणि शेवटच्या सामन्यात शानदार फलंदाजी केली. तिसऱ्या सामन्यात त्याने 97 चेंडूंचा सामना करत 116 धावांची तुफानी खेळी खेळली, ज्यात 14 चौकार आणि 2 षटकारांचा समावेश होता. शुभमन गिलने देखील विराट कोहलीसोबत अप्रतिम भागीदारी केली. गिलने एकल शतक पूर्ण करताच कोहलीनेही त्याच वेळी अर्धशतक पूर्ण केले.
शतक झळकावल्यानंतर गिल एका खास पद्धतीने सेलिब्रेशन करताना दिसला. त्यांना पाहून वाटले की ते हीच वाट पाहत आहेत. गिलने शतक झळकावताच प्रथम क्रिजवर धावताना हेल्मेट काढले आणि चाहत्यांसमोर डोके टेकवून त्यांचे आभार मानले. यानंतर गिल विराट कोहलीला मिठी मारताना दिसला. यादरम्यान, डगआउटमध्ये बसलेले सर्व खेळाडू आणि प्रशिक्षक राहुल द्रविड खूप आनंदी दिसत होते, ज्याचा व्हिडिओ सोशल मीडियावर वेगाने व्हायरल होत आहे. चाहत्यांना हा व्हिडिओ खूप आवडला असून सोशल मीडियावर गिलचे अभिनंदन करत आहेत.
https://twitter.com/BCCI/status/1614566242211467266?s=20&t=_1m1VT84qw5rGor4Mvf0DQ
Cricket Shubman Gill 100 Runs Against Sri Lanka
