इंडिया दर्पण ऑनलाईन डेस्क – भारत आणि श्रीलंका यांच्यातील वनडे मालिकेतील तिसऱ्या सामन्यात भारतीय फलंदाजांनी अप्रतिम कामगिरी केली. कर्णधार रोहितचे अर्धशतक हुकले, पण शुभमन गिल आणि विराट कोहली यांनी उत्कृष्ट शतकी खेळी खेळली. दोन्ही फलंदाजांनी वेगवान धावा करताना अनेक विक्रम केले. विशेषत: विराट कोहलीने गेल्या चार एकदिवसीय सामन्यांमध्ये तिसऱ्यांदा शतक झळकावले. यापूर्वी त्याने बांगलादेश आणि श्रीलंकेविरुद्धच्या याच मालिकेतील पहिल्या सामन्यात शतके झळकावली होती. या सामन्यात गिलने 116 आणि कोहलीने 166 धावा केल्या.
विराट कोहलीचे हे वनडे क्रिकेटमधील 46 वे शतक होते. वनडेत सर्वाधिक शतके झळकावणाऱ्या सचिनपेक्षा तो केवळ तीन शतकांनी मागे आहे. सचिनने वनडेमध्ये 49 शतके ठोकली आहेत, तर कोहलीने 46 शतके झळकावली आहेत. त्याचवेळी, या सामन्यात त्याने श्रीलंकेविरुद्ध वनडेत 10व्यांदा शतक झळकावले. एकाच संघाविरुद्ध सर्वाधिक शतके झळकावण्याच्या बाबतीत तो अव्वल स्थानी पोहोचला आहे. या प्रकरणात त्याने सचिन तेंडुलकरला मागे सोडले. सचिनने ऑस्ट्रेलियाविरुद्धच्या वनडेमध्ये नऊ शतके झळकावली आहेत. त्याचबरोबर विराट कोहलीने श्रीलंकेविरुद्ध 10 वनडे शतके झळकावली आहेत. कोहलीने वेस्ट इंडिजविरुद्ध नऊ एकदिवसीय शतके झळकावली आहेत.
Virat Kohli was utterly glorious 🙌 🙌 as he creamed 1⃣6⃣6⃣* and was our top performer from the first innings of the third #INDvSL ODI 👏 👏
A summary of his stunning batting display 🔽 #TeamIndia pic.twitter.com/SWrC5Oanhg
— BCCI (@BCCI) January 15, 2023
वनडेत सर्वाधिक धावा करण्याच्या बाबतीतही विराटने श्रीलंकेच्या महेला जयवर्धनेला मागे टाकले आहे. 448 सामने खेळलेल्या महेला जयवर्धनेने 418 एकदिवसीय सामन्यांमध्ये 33.37 च्या सरासरीने आणि 78.96 च्या स्ट्राइक रेटने 12650 धावा केल्या आहेत. त्याचबरोबर विराट कोहलीने 268 सामन्यांच्या 259 डावांमध्ये 12700 हून अधिक धावा केल्या आहेत. त्याची सरासरी ५८ आहे आणि स्ट्राइक रेट ९३ च्या जवळ आहे. वनडेमध्ये सर्वाधिक धावा करण्याच्या बाबतीत विराट कोहली आता पाचव्या क्रमांकावर आहे. सचिन तेंडुलकर, कुमार संगकारा, रिकी पाँटिंग आणि सनथ जयसूर्या आता त्यांच्या पुढे आहेत.
Take a bow, Virat Kohli 🫡
Live – https://t.co/muZgJH3f0i #INDvSL @mastercardindia pic.twitter.com/7hEpC4xh7W
— BCCI (@BCCI) January 15, 2023
विराट कोहलीने 15 जानेवारीला चौथ्यांदा शतक झळकावले. यापूर्वी, 15 जानेवारी 2017 रोजी त्याने इंग्लंडविरुद्ध एकदिवसीय सामन्यात 122 धावांची खेळी केली होती. त्याच वेळी, 15 जानेवारी 2018 रोजी त्याने दक्षिण आफ्रिकेविरुद्धच्या कसोटी सामन्यात 153 धावा केल्या होत्या. 15 जानेवारी 2019 रोजी, कोहलीने ऑस्ट्रेलियाविरुद्ध एकदिवसीय सामन्यात 104 धावा केल्या. आता त्याने 15 जानेवारी 2023 रोजी श्रीलंकेविरुद्ध 166 धावांची इनिंग खेळली होती.
📹 Mighty Maximum – a 97m SIX from Virat Kohli 👀👀
Live – https://t.co/q4nA9Ff9Q2 #INDvSL @mastercardindia pic.twitter.com/R3CzXTWBT5
— BCCI (@BCCI) January 15, 2023
Cricket Again Virat Kohli Centaury Against Sri Lanka
