छत्रपती संभाजीनगर (इंडिया दर्पण वृत्तसेवा) – पत्नी सोडून गेल्याचा राग मुलीवर काढत तिला त्रास देत असल्याचा अमानुष प्रकार उघडकीस आला आहे. छत्रपती संभाजीनगरातील बायजीपुरा येथील या घटनेवर सर्वत्र संताप व्यक्त करण्यात येत आहे.
मोहसीन अल अमोदी सईद अमर अमोदी असे आरोपी बापाचे नाव आहे. मोहसीन याने मुलीला मारहाण करून माचीसच्या काडीने हातापायावर, गालावर चटके देऊन गंभीर जखमी केले. याप्रकरणी जिन्सी पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार या मुलीची आई दुसरे लग्न करून निघून गेली. यामुळे मुलगी वडिलांसोबत राहते. सुरुवातीला ती आत्याच्या घरी राहिली; यानंतर वडिलांकडे आली. बाजूलाच तिचे आजी राहते आणि वडील पायाने अपंग आहेत. आजीकडे जेवण करून ती वडिलांचाही डबा घेऊन येत होती. तसेच घरातील लहान सहान कामे करत होती. त्यातच किरकोळ कारणावरून वडिलांनी मुलीला मारहाण करून चटके दिले. यामुळे मुलगी आरडाओरडा करू लागली. याबाबत शेजारच्यांना कळताच त्‍यांनी पोलिसांना बोलावले आणि पीडित मुलीच्या जबावावरून वडिलांविरुद्ध गुन्हा नोंदवण्यात आला असून आरोपी पसार आहे.
घरातली कामं करून घ्यायचा
मोहसीन आपल्या अल्पवयीन मुलीकडून घरातली सगळी कामं करून घ्यायचा. जबाबदारी म्हणून ही मुलगी सगळी कामं करायची, पण मोहसीन अतिरेक करायचा. प्रत्येकवेळी जास्तीची कामं देऊन तिला त्रास देण्याचा प्रयत्न करायचा. धुणी-भांडी, फरशी पुसणे, झाडू मारणे अशी सगळी कामं तो मुलीला करायला लावायचा. ही कामं करून आपली मुलगी थकली तरीही त्याला त्याचं काहीच वाटायचं नाही.
Chhatrapati Sambhaji Nagar Crime Father Slapped Girl Child
