चांदवड (इंडिया दर्पण वृत्तसेवा) – तालुक्यातील पन्हाळे गाव परिसरात आज जोरदार गारपीट झाली आहे. पन्हाळेबरोबरच रायपूर, निंबाळे, भारतनगर, भडाणे, निमोण परिसरात वादळी वाऱ्यासह जोरदार पाऊस झाला. गारपीटीमुळे परिसरातील रस्ते, शेत हे सारेच बर्फमय झाले होते. गावातही थोड्या प्रमाणात गारा पडल्या. या वादळी पाऊस व गारपीटीमुळे कांदा, गहु हरभरा बरोबरच द्राक्षा बागांचे प्रचंड नुकसान झाले आहे. गारपीटीमुळे शेतकरी प्रचंड धास्तावले आहेत.
