पुणे – खासगी आणि सरकारी टेलिकॉम कंपन्यांमध्ये ग्राहकांना आकर्षित करण्यासाठी कायमच स्पर्धा दिसते. यात भारत दूरसंचार निगम निगम लिमिटेड म्हणजेच बीएसएनएल देखील वेगवेगळे प्लॅन नेहमीच आणत असते. बीएसएनएल या सरकारी दूरसंचार कंपनीने पुन्हा एकदा आपल्या ग्राहकांसाठी चांगली ऑफर आणली आहे.
आता देखील बीएसएनएलने मोबाईल वापरकर्त्यांना आकर्षित करण्यासाठी नवीन प्लॅन आणण्यासोबतच जुन्या प्लॅनमध्ये सुधारणा करत आहे. आता यामध्ये, सरकारी टेलिकॉम बीएसएनएलने त्यांच्या एका स्वस्त प्लॅनमध्ये उपलब्ध फायदे म्हणजे डेटा आणि वैधता बदलले आहेत. त्यामुळे सुधारित हा प्रीपेड प्लॅन १८७ रुपयांचा आहे. आता या प्लॅनमध्ये तुम्हाला दररोज 2 GB डेटा मिळेल. इतकेच नाही तर कंपनीने प्लॅनची वैधताही चार दिवसांनी वाढवली आहे.
१८७ रुपयांचा प्लॅन
बीएसएनएलचा हा प्लॅन आता २८ दिवसांच्या वैधतेसह येतो. यापूर्वी या प्लानची वैधता २४ दिवसांची होती. प्लॅनमध्ये कंपनी इंटरनेट वापरासाठी दररोज 2 जीबी डेटा देत आहे. प्लॅनचे सदस्य देशभरातील कोणत्याही नेटवर्कवर अमर्यादित कॉलिंग करू शकतात. या प्लॅनमध्ये कंपनी मोफत रिंगटोनचा अॅक्सेस देखील देत आहे. बीएसएनएलचा हा प्लॅन कंपनीच्या वेबसाइट किंवा थर्ड-पार्टी वेबसाइट्स आणि अ‍ॅप्सद्वारे सबस्क्राइब केला जाऊ शकतो.
१९९ रुपयांचा प्लॅन
बीएसएनएल प्रमाणे, जीओ (Jio ) देखील आपल्या वापरकर्त्यांसाठी समान योजना ऑफर करते. जिओचा हा प्लॅन १९९ रुपयांचा आहे. यामध्ये कंपनी दररोज १.५ जीबी डेटा आणि अनलिमिटेड कॉलिंग देत आहे. २४ दिवसांची वैधता असलेल्या या प्लॅनमध्ये कंपनी जीओ अॅप्सचे फ्री सब्सक्रिप्शन देखील देत आहे.
एअरटेल कंपनीचा १९९ रुपयांचा प्रीपेड प्लॅन ग्राहकांना देत आहे. या प्लॅनमध्ये दररोज फक्त 1GB डेटा मिळेल. २४ दिवसांची वैधता असलेल्या या प्लॅनमध्ये तुम्हाला अमर्यादित कॉलिंग आणि दररोज १०० मोफत एसएमएसचाही लाभ मिळेल. या प्लानमध्ये कंपनी अॅमेझान प्राईम व्हीडीओचे फ्री सब्सक्रिप्शन देखील देत आहे. त्याचप्रमाणे व्होडाफोनच्या पोर्टफोलिओमध्ये १९९ रुपयांचा प्लॅन देखील आहे. यामध्ये दररोज १ जीबी डेटा, अनलिमिटेड कॉलिंग आणि १०० मोफत एसएमएस दिले जात आहेत.
