सर्वांत जास्त दिवसांचे रिचार्ज प्लॅन बघितले तर १वर्षांपेक्षा अधिक काळाचे रिचार्ज कोणतीच टेलिकॉम कंपनी देत नाही. मात्र सरकारी टेलिकॉम कंपनी बीएसएनएल याबाबतीत एक पाऊल पुढे आहे. बीएसएनएलच्या वतीने सर्वांत जास्त दिवसांची वैधता असलेला रिचार्ज प्लॅन लॉन्च करण्यात आला आहे. हे रिचार्ज ४३७ दिवसांपर्यंत वैध असणार आहे.
जर तुम्हाला दर महिन्याला किंवा दर वर्षाला रिचार्ज करायचे नसेल तर ४३७ दिवसांचा प्लॅन तुमच्यासाठी उत्तम ठरू शकतो. या प्लॅनमध्ये वैधतेसोबत जबरदस्त आफर्सही देण्यात आले आहेत. ४३७ दिवसांची वैधता असलेला प्लॅन २ हजार ३९९ रुपयांमध्ये उपलब्ध आहे. या प्लॅनमध्ये बीएसएनएल ग्राहकांना दररोज ३ जीबी डेटा देते.
डेटा लिमीट संपल्यानंतर स्पीड ८० केबीपीएसपर्यंत कमी होते. सोबतच कुठल्याही नेटवर्कवर कॉलिंगसाठी मोफत अनलिमिटेड सुविधा देण्यात आली आहे. दररोज शंभर एसएमएस मोफत आहेत. इरोज नाऊ या ओटीटी प्लॅटफॉर्मचे सब्सक्रिप्शनही सोबतच देण्यात आले आहे. बीएसएनएलने २ हजार ३९९ रुपयांमध्ये ४३७ दिवसांचा प्लॅन दिला आहे. या किंमतीत जीओ, एअरटेल आणि व्होडाफोन आयडीयाकडून केवळ ३६ दिवसांची वैधता मिळते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
