मुंबई (इंडिया दर्पण वृत्तसेवा) – भारतीय जनता पक्षाने आगामी निवडणुकांची आत्तापासूनच जोरदार तयारी सुरू केली आहे. त्याचाच भाग म्हणून सभा, अधिवशनावर भर दिला जात आहे. अलिकडेच भाजपचे राष्ट्रीय अध्यक्ष जे पी नड्डा यांच्या उपस्थित औरंगाबादमध्ये जाहीर सभा पार पडली होती. गुरुवारी पंतप्रधान नरेंद्र मोदी यांनी मुंबईतील कार्यक्रमांना हजेरी लावली. त्यानंतर केंद्रीय गृहमंत्री अमित शाह नाशिकमध्ये जाहीर सभेसह राज्य अधिवेशन घेणार आहेत.
फेब्रुवारीत १०,११ तारखेला तपोवनातील साधुग्राम मादानावर हे राज्य अधिवेशन होणार असून त्याची तयारी सुरू आहे. राज्यातील पदाधिकाऱ्यांसह कोअर कमिटीच्या पदाधिकाऱ्यांना निमंत्रित केले जाणार आहे. 2024 च्या निवडणुकीची पूर्वतयारी भाजपकडून केली जात आहे. या निवडणुकीत भाजपच्या वतिने पंतप्रधान नरेंद्र मोदी यांच्याच नावावर निवडणुका भाजप लढवणार आहे हे जवळपास स्पष्ट आहे. त्या पार्श्वभूमीवर जाहीर सभा, पंतप्रधान नरेंद्र मोदी यांच्याबाबतचा प्रचार कायम ठेवण्यासाठी भाजपकडून जाहीर सभा घेतल्या जात आहे.
देशभरातच आयोजन
2024 च्या निवडणुकांवर लक्ष केंद्रीत करून भाजपने संपूर्ण देशभरातच जाहीर सभा, पक्षीय अधिवेशन, कोअर कमिटीच्या बैठका आयोजित करण्यावर भर दिला आहे. त्याद्वारे स्थानिक नेते कार्यकर्त्यांना सक्रिय करणे, पक्षाची धोरणे, कामे जनतेपर्यंत पोहोचविण्याची जबाबदारी सोपविणे हा त्यामागील हेतू आहे. त्याचवेळी जाहीर सभांच्या माध्यमातून जनतेवर पक्षाची छाप कायम ठेवण्याचा प्रयत्न केला जात आहे.
नाशिकमध्ये जोरदार तयारी
नाशिकमध्ये आयोजित होणाऱ्या सभेत उत्तर महाराष्ट्रातून नागरिक सहभागी होतील. या सभेची सध्या भाजपकडून जोरदार तयारी केली जात आहे. भाजपचे राष्ट्रीय नेते तथा केंद्रीय मंत्री अमित शाह यांच्या उपस्थित हे राज्य अधिवेशन होणार आहे. हजारो पदाधिकारी आणि कोअर कमिटीचे पदाधिकारी या राज्य अधिवेशनाला सहभागी होणार आहे. अधिवेशनासह सभा यशस्वी करण्यासाठी भाजपतर्फे अनेक मंत्री आणि पदाधिकारी नाशिकमध्ये ये-जा करीत आहेत. औरंगाबादमध्ये झालेल्या अधिवेशनाच्या पार्श्वभूमीवर नाशिकमधील अधिवेशन यशस्वी करण्यासाठी स्वतः उपमुख्यमंत्री देवेंद्र फडणवीस, गिरीश महाजन लक्ष देऊन आहेत.
BJP Politics Nashik Upcoming Election Strategy
