नवी दिल्ली (इंडिया दर्पण वृत्तसेवा) – गेल्या फेब्रुवारी-मार्चमध्ये देशातील ५ राज्यांमध्ये झालेल्या निवडणुकीत भाजपने ३४० कोटी रुपये खर्च केले होते. आयोगाने पक्षाला दिलेल्या खर्चाच्या तपशिलात ही माहिती देण्यात आली आहे. याशिवाय अन्य राष्ट्रीय पक्ष काँग्रेसने या निवडणुकांमध्ये १९४ कोटी रुपयांहून अधिक खर्च केला होता. ५ राज्यांच्या निवडणुकीत दोन्ही पक्षांनी किती रक्कम खर्च केली, याचा तपशील निवडणूक आयोगाला देण्यात आला होता, जो आयोगाने आता सार्वजनिक केला आहे. भाजपने दिलेल्या तपशिलानुसार, उत्तर प्रदेश, उत्तराखंड, मणिपूर, गोवा आणि पंजाब विधानसभा निवडणुकीच्या प्रचारावर भाजपने ३४० कोटी रुपयांहून अधिक खर्च केला आहे.
यानुसार भाजपने सर्वाधिक खर्च २२१ कोटी रुपये उत्तर प्रदेशात करण्यात आले आहेत. याशिवाय मणिपूरमध्ये २३ कोटी, उत्तराखंडमध्ये ४३.६७ कोटी, पंजाबमध्ये ३६ कोटींहून अधिक आणि गोव्यात १९ कोटींहून अधिक खर्च करण्यात आला आहे. काँग्रेसने दिलेल्या तपशिलानुसार, या पाच राज्यांतील प्रचारावर १९४ कोटी रुपयांहून अधिक खर्च झाला आहे. भाजप आणि काँग्रेस हे राष्ट्रीय पक्ष म्हणून ओळखले जातात. लोकसभा आणि राज्यांच्या विधानसभांच्या निवडणुका लढवणाऱ्या पक्षांना प्रचारात झालेल्या खर्चाचा तपशील विहित मुदतीत निवडणूक आयोगाला सादर करणे बंधनकारक आहे.
१० मार्च रोजी उत्तर प्रदेश, पंजाब आणि उत्तराखंडसह ५ राज्यांच्या विधानसभा निवडणुकांचे निकाल जाहीर झाले. यामध्ये भाजपला मोठे यश मिळाले. एकीकडे भाजपने यूपी, उत्तराखंड, गोव्यात पुनरागमन केले तर दुसरीकडे मणिपूरमध्येही सत्ता मिळाली. पंजाबमध्ये आम आदमी पक्षाने पहिल्यांदाच सरकार स्थापन केले आहे. तपशीलानुसार, ५ राज्यांमध्ये भाजपने सर्वाधिक खर्च केला, तर काँग्रेस पक्ष दुसऱ्या क्रमांकावर आहे. काँग्रेसला कोणत्याही राज्यात विजय मिळवता आला नाही आणि पंजाबमध्ये त्यांना सत्ता गमवावी लागली आणि त्यांना केवळ १८ जागांवर समाधान मानावे लागले.
BJP 5 State Elections Expenses Crore Rupees Politics
Fund
ताज्या आणि महत्त्वाच्या बातम्या WhatsApp वर हव्यात?
तर मग इंडिया दर्पणच्या दर्जेदार, विश्वासार्ह आणि गतिमान वृत्तसेवेचा लाभ घेण्यासाठी खालील ग्रुप जॉइन करा
https://chat.whatsapp.com/
