बिस्लेरी कंपनीची अशी आहे यशोगाथा; अशी झाली होती सुरुवात

इंडिया दर्पण ऑनलाईन डेस्क – टाटा समूह लवकरच मिनरल वॉटरच्या व्यवसायात हिस्सेदारी खरेदी करण्याचा विचार करत आहे. भारतात बिस्लेरी इंटरनॅशनल ही कंपनी मिनरल वॉटरच्या व्यवसायात अग्रगण्य आहे. टाटा बिस्लेरी इंटरनॅशनलमधील रमेश चौहान यांचा स्टेक विकत घेऊन FMCG व्यवसायात प्रवेश करण्याची योजना आखत आहे. टाटा समूह हळूहळू आपली हिस्सेदारी वाढ करेल, अशी माहिती समोर आली आहे.

टाटा या बहुराष्ट्रीय कंपन्यांचा मुंबईत मुख्यालय असलेला भारतीय उद्योगसमूह आहे. हा भारतातल्या सर्वात मोठ्या खासगी उद्योगसमूहांपैकी एक आहे. बाजार भांडवल आणि महसुलाचा विचार करता भारतातील हा आघाडीचा समूह आहे. रसायने, पोलाद, वाहननिर्मिती, माहिती तंत्रज्ञान, दूरसंपर्क, ऊर्जा, चहा आणि आतिथ्य या क्षेत्रांत या समूहातील कंपन्या प्रामुख्याने आघाडीवर आहेत.
सुमारे ८०हून अधिक देशांत टाटा समूहाचे कामकाज विस्तारले आहे. बिस्लेरी, भारतातील बाटलीबंद पाण्याचा सर्वात लोकप्रिय ब्रँडच्या सध्या विक्रीची चर्चा सुरू आहे. टाटा समूहाने रमेश चौहान यांच्या नेतृत्वाखालील बिस्लेरी इंटरनॅशनल या भारतातील सर्वात मोठ्या पॅकेज्ड वॉटर कंपनीमध्ये भागभांडवल खरेदी करण्याची ऑफर दिली आहे. मिनरल वॉटर व्यतिरिक्त, बिसलेरी इंटरनॅशनल प्रीमियम हिमालयन स्प्रिंग वॉटर देखील विकते.

बिस्लेरी इंटरनॅशनलएक भारतीय कंपनी असून ती इ.स. १९८४ मध्ये जयंतीलाल चौहान यांनी स्थापन केली होती. ही कंपनी बाटलीबंद पाण्याच्या ब्रँडसाठी प्रसिद्ध आहे. जे फेलिस बिस्लेरी यांनी १९६५ मध्ये सोडा ब्रँड म्हणून सादर केले होते आणि १९६९ मध्ये चौहान यांनी विकत घेतले होते. ही कंपनी सध्या बाटलीबंद पाणी आणि शीतपेये विकते.
बिस्लेरी ही मुळात फेलिस बिस्लेरी यांनी तयार केलेली एक इटालियन कंपनी होती. ही प्रारंभी एक फार्मास्युटिकल कंपनी होती, ती मलेरियाच्या औषधांची विक्री करत होती. याचे संस्थापक फेलिस बिसलेरी त्यांच्या मृत्यूनंतर त्यांची फॅमिली डॉक्टर रॉसीने बिसलेरीला पुढे नेण्याचा निर्णय घेतला. जिने सर्वप्रथम भारतात बाटलीबंद पाणी विकण्याची कल्पना आणली होती. बिस्लेरी नंतर इ.स. १९६५ मध्ये सिल्चर, आसाम येथे काचेच्या बाटल्यांमध्ये दोन प्रकारांमध्ये सादर करण्यात आली.

अधिकृत माहितीनुसार, बिस्लेरीकडे १२२ पेक्षा जास्त ऑपरेशनल प्लांट आहेत. त्याचे संपूर्ण भारतात ५००० ट्रकसह ४५०० पेक्षा जास्त वितरक नेटवर्क आहे. देशातील पॅकेज्ड वॉटर मार्केटची किंमत २०,००० कोटींहून अधिक आहे. यातील ६० टक्के असंघटित आहेत. बिस्लेरीचा संघटित बाजारपेठेतील हिस्सा सुमारे ३२ टक्के आहे.
रमेश चौहान यांनी सन १९९३ मध्ये थम्स अप, लिम्का आणि गोल्ड स्पॉटसारखे प्रतिष्ठीत ब्रँड कोका कोलाला 60 मिलियनला विकले होते. थम्स अप देशातील सर्वाधिक विक्री होणारा ब्रँड बनला आहे. बिसलेसीचे मालक रमेश चौहान यांच्या उत्तराधिकारी या कंपनीमध्ये हिस्सा कमी करण्याचे कारण आहे.

भारतात डॉक्टर रॉसी यांनी वकिल खुशरू संतकू यांच्यासोबत मिळून बिसलेरी लाँच केली. त्यावेळी बाटलीबंद पाणी विकणे हे काही कमी धाडसाचे नव्हते. बाटलीबंद पाणी विकत घेऊन कोण खरेदी करेल, अशी धारणा तेव्हा होती. परंतु त्यांनी भविष्याकडे पाहिले. त्यानंतर १९६५ मध्ये त्यांनी ठाण्यात पहिला बिसलेरी वॉटर प्लांट सुरू केला.
भारतीय बाजारपेठेत बिसलेरीने मिनरल वॉटर आणि सोडा या प्रोडक्टसोबत एन्ट्री घेतली. त्यावेळी सामान्य व्यक्तीने बाटलीबंद पाणी विकत घेणे तसे अशक्य होते. परंतु श्रीमंतांमध्ये हे लोकप्रिय झालं. सुरूवातीला केवळ फाईव्ह स्टार हॉटेल आणि महागड्या रेस्तराँमध्ये बिसलेरीची बाटली उपलब्ध होती. परंतु त्यानंतर यात एक मोठा बदल घडला.

डॉ. रॉसी यांनी हा व्यवसाय पारले कंपनीच्या रमेश चौहान यांना विकला. १९६९ मध्ये बिसलेरी पारले कंपनीने विकत घेतला. एका रिपोर्ट्सनुसार हा व्यवसाय ४ लाख रूपयांमध्ये झाला. त्यानंतर चौहान यांना प्रत्येक घरापर्यंत बिसलेरी पोहोचवण्याचा निर्णय घेतला. यासाठी सर्वप्रथम बिसलेरी रेल्वे स्टेशनवर विक्रीसाठी उपलब्ध करून देण्यात आली.
आता एका रिपोर्ट्सनुसार कंपनीच्या अधिकाऱ्यांनी या घडामोडीबाबत माहिती दिली आहे. त्यापैकी एकाने सांगितले की टाटा समूहाने बिस्लेरीला भागभांडवल खरेदीसाठी ऑफर दिली आहे. हा करार पूर्ण झाल्यास, टाटा समूहाला एंट्री-लेव्हल, मिड-सेगमेंट आणि प्रीमियम पॅकेज्ड वॉटर श्रेणींमध्ये येण्याची संधी मिळेल.

Bisleri Water Bottle Success Story
Industry