येवला (इंडिया दर्पण वृत्तसेवा) – गुरुवारी रात्री एक वाजेच्या सुमारास येवला तालुक्यातील अंकाई शिवारात राहणारे शिवाजी विश्वनाथ गरुड यांच्या वस्ती वरती बिबट्याने अचानक दर्शन दिले. याप्रसंगी मोती नावाच्या कुत्र्याबरोबर बिबट्याची झडप देखील झाली. याप्रसंगी मोतीने बिबट्याला पिटाळून लावले हा सर्व प्रकार सीसीटीव्ही मध्ये कैद झाला आहे.
यापूर्वी शिवाजी गरुड यांचे दोन कुत्रे बिबट्याने फस्त केले होते. त्यामुळे त्यांनी वस्तीवर सीसीटीव्ही कॅमेरे लावले होते. त्यात हे बिबट्याचे दर्शन झाल्याने परिसरात पुन्हा आता भीतीचे वातावरण पसरले आहे.
