इंडिया दर्पण ऑनलाईन डेस्क
मुंबई येथील न्यू इंडिया को-ऑपरेटिव्ह बँकेतून माजी जनरल मॅनेजरने बँकेच्या तिजोरीतून तब्बल १२२ कोटी रुपये काढल्याचे समोर आले आहे. हितेश प्रविणचंद महहेता असे या आरोपीचे नाव आहे. त्याच्यावर दादर आणि गोरेगाव बँकेची जबाबदारी होती. त्यावेळेस त्याने पदाचा गैरवापर करत दोन्ही शाखेच्या खात्यातून १२२ कोटी रुपये काढत गैरव्यवहार केला. या प्रकरणी दादर पोलिस ठाण्यात बँकेच्या चीफ अकाऊंटीग ऑफीसरने दिलेल्या तक्रारीनंतर गुन्हा दाखल करण्यात आला आहे. या गैरव्यवहारात आणखी एकाचा समावेश आहे.
२०२० ते २०२५ च्या दरम्यान हा गैरव्यवहार झाल्याचे तक्रारीत म्हटले आहे. कालच रिझर्व्ह बँक ऑफ इंडियाने मुंबईत येथील न्यू इंडिया को-ऑपरेटिव्ह बँक लिमिटेड या बँकेवर मोठी कारवाई केली आहे. या बँकेला नवीन कर्ज वितरीत करण्यास आणि ठेवी काढण्यास सहा महिन्यासाठी बंदी घातली आहे. बँकेतील अलीकडील काळात घडलेल्या काही घडामोडींमुळे ठेवीदारांच्या रक्षण करण्यासाठी हा निर्णय घ्यावा लागला असल्याचे आरबीआयने स्पष्ट केले आहे. या निर्णयानंतर ग्राहकांनी जमा पैसे काढण्यासाठी अंधेरीत मोठी गर्दी केली.
ही आहे आऱबीआयची नोटीस
आरबीआयने दिलेल्या नोटीसमध्ये म्हटले आहे की, जनतेच्या माहितीसाठी सूचित केले जाते की… भारतीय रिझर्व्ह बँक (RBI) …ने न्यू इंडिया को-ऑपरेटिव्ह बँक लिमिटेड, मुंबई (“बँक”) ला काही निर्देश जारी केले आहेत, ज्यानुसार, १४ फेब्रुवारी २०२५ रोजी व्यवसाय बंद झाल्यापासून, बँक, आरबीआयच्या पूर्व मंजुरीशिवाय, कोणतेही आगाऊ कर्ज किंवा लिखित स्वरूपात कोणतीही गुंतवणूक किंवा कर्ज देऊ शकणार नाही. निधीची उधार घेणे आणि ताज्या ठेवी स्वीकारणे, दायित्वे आणि दायित्वे पूर्ण करताना किंवा अन्यथा कोणतीही तडजोड करणे किंवा व्यवस्था करणे आणि आरबीआयच्या १३ फेब्रुवारीच्या निर्देशांनुसार सूचित केल्याशिवाय कोणत्याही मालमत्ता किंवा मालमत्तेची विक्री, हस्तांतरण किंवा अन्यथा विल्हेवाट लावणे, कोणतेही देय वितरित करणे किंवा वितरित करण्यास सहमती देणे यासह अनेक निर्बँध लादले आहे.
