नाशिक (इंडिया दर्पण वृत्तसेवा) – नाशिकसह परिसरात महावितरणच्या कारभारात लाचखोरीचा सुळसुळाट झाल्याचे पहायला मिळत आहे. महावितरणच्या एक्झिक्युटिव्ह इंजिनिअरला लाच घेताना काल लाचलुचपत प्रतिबंधक विभागाने नाशिक शहरात रंगेहाथ पकडले. आणि आज एसीबीने खासगी ठेकेदार तब्बल ५१ हजारांची लाच घेताना एसीबीच्या सापळ्यात अडकला आहे. त्यामुळे महावितरणचा कारभार पुन्हा एकदा चर्चेत आला आहे.
५१ हजारांची लाच स्वीकारणाऱ्या खासगी ठेकेदारास नाशिकच्या लाचलुचपत प्रतिबंधक विभाग पथकाने रंगेहाथ पकडले आहे. व्यावसायिक वीज कनेक्शन मीटरचे १५ एचपी वरून ४० एचपी लोड वाढवून देण्याच्या मोबदल्यात १ लाख २ हजार रुपयांच्या लाचेची मागणी या ठेकेदाराने केली होती. त्यापैकी ५१ हजार रुपये काम सुरू करण्यापूर्वी मागितले होते. हे स्विकारतांना तो रंगेहाथ पकडला. सुधीर भास्कर पठारे, ३४, रा. देवळाली प्रवरा, ता. राहुरी. जिल्हा. अहमदनगर.) असे ठेकेदाराचे नाव आहे. या प्रकरणात लाचलुचपत प्रतिबंधक विभागाने ५१ हजार रुपयांची रक्कम हस्तगत करुन संशयितावर भ्रष्टाचार प्रतिबंध अधिनियम १९८८ च्या कलम ७ अ प्रमाणे गुन्हा दाखल केला आहे.
Anti Corruption Raid Bribe Trap Contractor
Nashik MSEB MSEDCL Electricity
