नाशिक (इंडिया दर्पण वृत्तसेवा) – मनमाड जवळच्या अंकाई किल्ला परिसरात शिवाजी गरुड हे कुटुंबे राहतात. नेहमीच या ठिकाणी बिबट्याची दहशत असल्यामुळे या कुटुंबाने आपल्या घराजवळ सीसीटीव्ही बसवला आहे. या सीसीटीव्हीमध्ये बिबट्या मध्यरात्रीच्या सुमारास घराजवळ वावरताना आढळून आला.
दरम्यान कुत्रा भुंकल्याने या बिबट्याने धूम ठोकल्याचे सीसीटीव्ही मध्ये दिसत आहे. काही दिवसंपूर्वी याच ठिकाणी बिबट्या आला होता. त्याही वेळी बिबट्याला कुत्र्याने पळवून लावले होते. दरम्यान वन विभागाने तात्काळ या परिसरात पिंजरा लावावा व बिबट्याला जेर बंद करावे अशी मागणी परिसरात आता होत आहे.
