वाशिंग्टन – जगात अनेक श्रीमंत लोक आहेत, तसेच दानशूर लोक देखील आहेत. परंतु श्रीमंत लोक दानशूर असतीलच असे नाही. परंतु जगातील सर्वात श्रीमंत असलेल्या महिलेने आपल्या संपत्तीतील प्रचंड मोठी रक्कम भारतातील अनेक संस्थांना दान किंवा देणगी म्हणून दिली आहे. कोण आहे ही महिला ? त्या जगातील सर्वात श्रीमंत महिला आणि अ‍ॅमेझॉन चीफ जेफ बेझोस यांच्या पहिल्या पत्नी मॅकेन्झी स्कॉट आहेत. त्यांनी संपत्तीमधून सुमारे 19,800 कोटी रुपये ($ 2.7 अब्ज डॉलर्स ) देणगी दिली आहे.
मॅकेन्झी स्कॉट यांनी दिलेली वर्षभरातील ही तिसरी मोठी देणगी आहे. भारतासह जगातील अनेक देशांच्या 286 धर्मादाय संस्थांना मदत मिळणार असून सदर पैसे भारतासह अनेक देशांतील विविध संस्था, विद्यापीठे आणि कला गटांना जातील. सामाजिक कार्य व परोपकारासाठी प्रसिद्ध असलेल्या मॅकेन्झी याबद्दल माहिती देताना म्हणाल्या की, श्रीमंत लोकांनी आपली अधिक संपत्ती काही आठवड्यां पर्यंत मर्यादित न ठेवल्यास जगाचे भले होईल. विशेष म्हणजे मॅकेन्झीची स्वतःची कोणतीही सेवाभावी संस्था नाही, परंतु ती ही रक्कम खाजगीरित्या दान करीत आहे.
सन 2019 मध्ये मॅकेन्झी यांनी बेझोसला घटस्फोट दिला, तेव्हा त्यांना अॅमेझॉनमध्ये 4 टक्के हिस्सेदारी मिळाली, ज्याचे मूल्य $ 36 अब्ज होते. परंतु काही काळात कंपनीच्या समभागात वाढ झाल्यामुळे स्कॉट यांच्या संपत्तीत लक्षणीय वाढली आहे. त्यामुळे त्यांनी गेल्या 11 महिन्यांत तिने 8 अब्ज डॉलर्सची देणगी दिली आहे. सोशल सायन्सेस फॉर सोशल सायन्सेसचे कार्यकारी संचालक मियामी म्यूर, म्हणतात की, मॅकेन्झी या एक श्रीमंत नागरिक असून सार्वजनिक भूमिका साकारत आहे. तथापि, संस्थांना देणग्या घेण्याचा अर्ज करण्याचा आणि निवडण्याचा कोणताही औपचारिक मार्ग अद्याप उघड झालेला नाही.
तसेच त्यांनी प्रत्येक संस्थेला मिळालेली रक्कम जाहीर केली नाही. पैसे मिळविणार्‍या गटांची फक्त एक यादी प्रसिद्धीसाठी नक्कीच दिली जाते. यापुर्वी अपोलो थिएटर ग्रुप बॅलेट हिप्सनिको सारख्या उल्लेखनीय संस्थांना स्कॉटकडून देणगी मिळाली आहे. तसेच कॅलिफोर्निया विद्यापीठ, टेक्सास विद्यापीठ या संस्थांच्या नावांचा यात समावेश आहे.
