मुंबई (इंडिया दर्पण वृत्तसेवा) – देशातील दिग्गज उद्योगपती गौतम अदानी आता आरोग्य सेवा क्षेत्रात उतरणार आहेत. यासाठी त्यांनी एक कंपनीही स्थापन केली आहे. आम्ही तुम्हाला सांगतो, दोन दिवसांपूर्वी अदानी समूहाने ACC आणि अंबुजा सिमेंट्सच्या अधिग्रहणाची घोषणा केली होती. अदानी समूह सतत नवनवीन व्यवसायात हात घालत असतो. आधी डेटा सेंटर्स, डिजिटल सर्व्हिसेस, मीडिया, सिमेंट आणि आता अदानी ग्रुपने हेल्थकेअर क्षेत्रात उतरण्याचा निर्णय घेतला आहे.
बुधवार, 17 मे 2022 रोजी एक्सचेंजला दिलेल्या माहितीमध्ये, अदानी समूहाने म्हटले आहे की कंपनी आरोग्य क्षेत्राशी संबंधित व्यवसाय अदानी हेल्थ व्हेंचर्स लिमिटेड (AHVL) मार्फत करेल. त्यावर अदानी एंटरप्रायजेस लिमिटेडची संपूर्ण मालकी असेल. “कंपनीचे अधिकृत आणि भरलेले भांडवल रु. 1,00,000-1,00,000 लाखांच्या दरम्यान असेल,” अदानी समूहाने एका एक्सचेंज स्टेटमेंटमध्ये म्हटले आहे.
दरम्यान, अदानी समुहाच्या या निर्णयामुळे आरोग्य क्षेत्रात सध्या कार्यरत असलेल्यांना मात्र धडकी भरली आहे. अदानी आगामी काळात आरोग्य क्षेत्रात काय काय घडवतील, याचा अंदाज बांधण्याचे काम प्रतिस्पर्ध्यांकडून सुरू झाले आहे.
अदानी हेल्थ व्हेंचर्स लिमिटेड (AHVL) हेल्थकेअर संबंधित उपक्रम, आरोग्य तंत्रज्ञान सुविधा, संशोधन केंद्रे आणि इतर आरोग्याशी संबंधित व्यवसाय आयोजित करेल. होल्‍सिम समुहाची सिमेंट कंपनी- अंबुजा सिमेंट लिमिटेड आणि एसीसी लिमिटेडचा व्यवसाय अदानी समुहाच्या मालकीचा आहे. सुमारे 10.5 अब्ज डॉलर (80,000 कोटी रुपये) मध्ये हा करार झाला होता. गौतम अदानी या वर्षी आशियातील सर्वात श्रीमंत व्यक्ती ठरले आहेत. ब्लूमबर्गच्या अहवालानुसार, अदानींची एकूण संपत्ती 107 अब्ज डॉलर एवढी आहे.
अदानी ट्रान्समिशन, अदानी ग्रीन एनर्जी, अदानी पॉवर, अदानी टोटल गॅस, अदानी पोर्ट्स आणि अदानी विल्मर या सहा कंपन्या सध्या अदानी समूहाच्या शेअर बाजारात सूचिबद्ध आहेत. अदानी विल्मरने 2022 मध्ये गुंतवणूकदारांना चांगला परतावा दिला आहे. सार्वकालिक उच्चांक गाठल्यानंतर कंपनीच्या शेअर्समध्ये घसरणीनंतर पुन्हा सुधारणा दिसून येत आहे.
