सिन्नर (इंडिया दर्पण वृत्तसेवा) – अभिनेत्री ऐश्वर्या राय-बच्चन हिला सिन्नर तहसिलदारांनी नोटीस बजावली आहे. नोटीशीचे कारण हे शेतसारा शकविल्याचे आहे. ऐश्वर्या हिची तालुक्यातील ठाणगाव जवळील आडवाडी येथे जमीन आहे. ऐश्वर्या हिच्याकडे २२ हजार रुपयांचा कर थकीत आहे.
मार्च महिना जवळ आल्याने महसूल गोळा करण्यासाठी सिन्नर तहसिलदारांनी आता आक्रमक धोरण स्विकारले आहे. याचाच एक भाग म्हणून थकबाकीदारांना नोटिसा बजावण्यात येत आहेत. तालुक्यातील मोठ्या थकबाकीदारांची यादी तहसिल कार्यालयाने तयार केली आहे. आणि या यादीतील सर्वांना नोटीस बजावली जात आहे. या यादीत अभिनेत्री ऐश्वर्या राय बच्चन हिचाही समावेश आहे. तालुक्यातील आडवाडीच्या डोंगराळ भागात ऐश्वर्या राय-बच्चन हिची सुमारे १ हेक्टर २२ आर जमीन आहे. याच जमिनीचा एका वर्षाच्या कराचे २२ हजार रुपये थकले आहेत. त्याचीच ही नोटीस आहे. ऐश्वर्या हिच्यासोबत इतरही १२०० मालमत्ता धारकांना नोटीस बजावण्यात आली आहे.
Actress Aishwarya Rai Bacchan Sinner Tehsildar Notice
