आता संजूबाबा पण साऊथच्या चित्रपटात; एवढे घेतले मानधन

इंडिया दर्पण ऑनलाईन डेस्क – मनोरंजन सृष्टीत सध्या साऊथ फिवर सुरू आहे. प्रेक्षकांचा ओढा साऊथ चित्रपटांकडे जास्त असल्याचे चित्र आहे. बॉलीवूडमधील बॉयकॉट ट्रेंड आणि चित्रपटातील वाहवत चाललेलं कथानक यामुळे प्रेक्षक चित्रपटगृहात फिरकेनासे झाले होते. ‘ब्रम्हास्त्र’ने प्रेक्षकांना परत खेचून आणलं असलं तरी बॉलीवूडची वाट खडतर आहे.

दाक्षिणात्य ट्रेंड पाहता बॉलीवूडमधील कलाकार दक्षिणेकडे वळल्याचे पाहायला मिळत आहे. लोकेश कनगराजच्या ‘विक्रम’ या चित्रपटाला दक्षिणेबरोबरच हिंदीतही चांगला प्रतिसाद मिळाला आहे, त्यामुळेच त्याने पुन्हा एकदा ‘पॅन इंडिया’ चित्रपट बनवण्याचा निर्णय घेतला आहे. मीडिया रिपोर्टनुसार लोकेशने या चित्रपटासाठी बॉलिवूड अभिनेता संजय दत्तलाही संपर्क केला आहे. चित्रपटाचे नाव अद्याप समोर आले नसले तरी ही बातमी ऐकल्यानंतर संजय दत्तच्या चाहत्यांना खूप आनंद झाला आहे.

थलीपथी विजय लोकेश कनगराजच्या चित्रपटात एका गँगस्टरच्या भूमिकेत दिसणार असल्याची बातमी नुकतीच समोर आली होती. त्यांची भूमिका रजनीकांत यांच्या ‘बाशा’ चित्रपटातील भूमिकेपासून प्रेरित असेल. रिपोर्टनुसार लोकेशने या चित्रपटासाठी बॉलिवूड अभिनेता संजय दत्तलाही संपर्क केला आहे. चित्रपटाचे नाव अद्याप समोर आलेले नाही. मीडिया रिपोर्ट्सनुसार, लोकेश कनगराजचा हा चित्रपट गँगस्टरवर आधारित आहे. या चित्रपटासाठी एकापेक्षा अधिक खलनायकांची गरज आहे. अशा परिस्थितीत लोकेशसाठी संजय दत्तपेक्षा चांगला पर्याय कोणता असू शकतो?

काही काळापूर्वी लोकेश आणि संजय दत्त या चित्रपटाबद्दल बोलताना दिसले होते. त्यानंतर त्याने संजय दत्तला १० कोटी रुपये फी देऊन फायनल केले आहे. लोकेश कनगराजच्या ‘विक्रम’ या चित्रपटाला दक्षिणेबरोबरच हिंदीतही चांगला प्रतिसाद मिळाला आहे, त्यामुळेच त्याने पुन्हा एकदा पॅन इंडिया चित्रपट बनवण्याचा निर्णय घेतला आहे.

रिपोर्ट्सनुसार, या चित्रपटाचे शूटिंग या वर्षी नोव्हेंबरपर्यंत सुरू होणार आहे. पुढील वर्षी दिवाळीपर्यंत हा चित्रपट प्रदर्शित करण्याचाही विचार आहे. अशा परिस्थितीत थलपथी विजय आणि संजय दत्त यांच्या चाहत्यांसाठी २०२३ हे वर्ष उत्कंठापूर्ण असणार आहे. संजय दत्त याने नुकताच केजीएफ २ हा चित्रपट केला होता. त्यातील त्याच्या खलनायकाच्या भूमिकेने चित्रपटात रोमांच निर्माण केला होता. तर त्यातील संजय दत्ताचा लूकही प्रेक्षकांना भावला होता.

Actor Sanjay Dutt South Film Coming Soon
Entertainment Tamil Tollywood