येवला (इंडिया दर्पण वृत्तसेवा) – नाशिक – औरंगाबाद महामार्गावर येवल्यातील खामगाव पाटी येथे भाजीपाला घेऊन जाणारी पीकअप गाडी आणि शिर्डी येथून भाविकांना घेऊन येणारी टेम्पो ट्रव्हलर यांच्यात अपघात झाला. यात तीन जण गंभीर जखमी झाले. हा अपघात शनिवारी रात्री घडला. हैद्राबाद येथील भाविक या टेम्पो ट्रॅव्हलमध्ये होते. या भीषण अपघातात पीकअप मधील चालक स्टोरिंग मध्ये फसला होता. मात्र स्थानिकांनी कटरच्या सहाय्याने स्टोरींग तोडून त्याला बाहेर काढले. जखमींना येवल्याच्या शासकीय रुग्णालयात दाखल करण्यात आले. येवला तालूका पोलिस अधिक तपास करीत आहे.
