नाशिक (इंडिया दर्पण वृत्तसेवा) – मुंबई- नाशिक महामार्गावरील वाडिव-हे फाट्या जवळ मध्यरात्री ऑल्टो व ट्रकच्या झालेल्या भीषण अपघातात एक जण गंभीर जखमी झाला आहे. या अपघाताच जखमींचे झालेला मोहित प्रविण जेप (२९) हा श्रीरामपूर येथील आहे. त्याला वाडीव-हे येथील रुग्णालयात उपचारासाठी दाखल करण्यात आले आहे.
नाशिक येथून मुंबईकडे जात असताना वाडिव-हे येथील फाट्यावर ट्रकने ऑल्टोला जोरदार धडक दिल्याने ऑल्टोमधील चालक मोहित प्रविण जेप हा गंभीर जखमी झाला. त्याला डोक्यास व हाता पायास गंभीर मार लागला आहे. या अपघातात अपघातग्रस्त वाहन ऑल्टोचा MH.48.S.9795 हा क्रमांक असून ट्रकचा NP.46.H.3211
हा क्रमांक आहे.
हा अपघात झाल्यानंतर जगद्गुरू नरेंद्राचार्य महाराज संस्थानाच्या गोंदे फाटा येथे सदैव अपघातग्रस्तांसाठी कार्यरत असणारी मोफत रुग्णवाहिकेतून तातडीने रुग्णांला हॅास्पिटलमध्ये दाखल करण्यात आले.
